Mkataba huo wa ushirikiano unaohusisha timu ya Arsenal kuchapisha kwenye jezi na vifaa vingine maandishi ya ” Visit Rwanda”, ulisainiwa misimu minane iliyopita na umekuwa ukikosolewa kutokana na vita vinavyoendelea mashariki mwa Jamhuri ya Kidemokrasia ya Kongo, ambapo Rwanda imekuwa ikitajwa kuhusika.
DRC inaishutumu Rwanda kwa kuwapa silaha na kuwaunga mkono wanamgambo wa M23, ambao wamechukua udhibiti wa maeneo mengi ya mashariki mwa Kongo. Hata hivyo Rwanda bado ina aina hii ya ushirikiano na miamba wa Ulaya kama Paris Saint-Germain, Bayern Munich na Atletico Madrid.