Vitu kadhaa kama mahema, magodoro, mablanketi, chakula na dawa vimesombwa na maji kufuatia mafuriko hayo. Mamlaka ya Gaza inayoongozwa na Hamas imesema hasara iliyotokana na mafuriko hayo inakadiriwa kufikia dola milioni 4.5 za kimarekani, na kwamba mahema 22,000 yameharibiwa.
Umoja wa Mataifa umetahadharisha kuwa hali ni mbaya mno huko Gaza. Aidha, mashirika ya misaada ndani ya Gaza yamesema mahema mapya yapatayo 300,000 yanahitajika haraka ili kuwasaidia Wapalestina ambao idadi kubwa hawana makazi kufuatia uharibifu mkubwa uliosababishwa na vita.