Mahakama ya Rufaa ya Marekani imeidhinisha kufutwa kwa kesi ambayo Donald Trumpaliwasilisha dhidi ya Kituo cha Televisheni cha CNN kwa kuieleza madai yake kwamba uchaguzi wa urais wa 2020 uliibiwa kama “Big Lie” (Uongo Mkubwa). Jaji wa Mahakama ya Wilaya, Raag Singhal, ambaye aliteuliwa na Trump wakati wa muhula wake wa kwanza Ikulu, alitupilia mbali kesi yake ya dola milioni 475 dhidi ya Cable News Network Julai 2023.Trump, ambaye alirudi Ikulu mwezi Januari baada ya kushinda uchaguzi wa Novemba 2024, anaendelea kudai kwa uongo kwamba alishinda kura ya urais ya 2020 dhidi ya Mgombea wa Democrat Joe Biden.Rais huyo kutoka chama cha Republican amekuwa na uhusiano mbaya na CNN na mashirika mengine makubwa ya habari, akiyaita ya “habari za uongo” na mara kwa mara akiyashambulia kupitia mitandao ya kijamii.