Wakati wa mkutano wa kilele kuhusu Uhuru wa Kidijitali wa Ulaya ulioandaliwa na Ujerumani na Ufaransa mjini Berlin, Merz alisema kuwa utawala wa Ujerumani utachukuwa hatua hiyo ya utegemezi wa bidhaa za Ulaya kwa kiwango kikubwa .
Merz amesema wanalifanya taifa kuwa mtumiaji mkuu wa programu huru katika usimamizi wa umma.
Kansela huyo wa Ujerumani ameongeza kuwa wakati teknolojia ilianzia China na Marekani, Ulaya haipaswi kuziachia nafasi katika sekta hiyo.
Ulaya yatakiwa kutoa kipaombele kwa wafanyabiashara eneo hilo
Merz na Macron pia wamesema kwamba mamlaka zinapaswa kuruhusiwa kutoa kipaombele kwa wafanyabiashara wa Ulaya wanaponunua appu za akili mnemba na huduma nyingine za Teknolojia ya habari na Mawasiliano.
Merz pia alilitolea mfano jimbo la Ujerumani la Schleswig-Holstein, ambalo limeanza kubadilisha mifumo yake ya teknolojia kama vile programu za Microsoft za Outlook, Excel na Word kwa mifumo mbadala katika usimamizi wake wa umma.
Alisisitiza kuwa lengo lilikuwa kutoa kipaumbele kwa wafanyabiashara wa Ulaya katika manunuzi ya sekta ya umma, na sio kuingilia soko la kibinafsi.
Kwa upande wake, Macron, alizitaka serikali na wafanyabiashara kuchagua bidhaa za Ulaya zinaponunua teknolojia na kusema kuwa uhuru wa kidijitali na kuunga mkono kampuni za Ulaya lazima vizingatiwe kama vipaumbele vya juu.
Rais huyo wa Ufaransa alisema Ujerumani na Ufaransa ni nyumbani kwa kampuni mbili kubwa zaidi za Teknolojia ya habari na mawasiliano duniani, SAP nchini Ujerumani na ile ya akili mnemba ya Mistral AI nchini Ufaransa.
Makubaliano 18 yafikiwa wakati wa mkutano wa Berlin
Macron amesema watoa huduma kutoka nje ya Ulaya hawapaswi kutengwa kama suala la
kanuni, lakini kwamba wanapaswa kujitolea kwa malengo ya Ulaya.
Wakati wa mkutano huo, makubaliano 18 ya ushirikiano mpya wa kimkakati na kibiashara yanayolenga kupanua Appu za matumizi ya Akili Mnemba yalifikiwa.
Kulingana na Mpango wa Mabingwa wa Akili Mnemba wa Umoja wa Ulaya, mikataba na
hati za maelewano hayo ni za thamani ya karibu dola bilioni 1.2.
Miongoni mwao ni ushirikiano mkubwa kati ya kampuni za SAP na Mistral AI.