Jenerali wa ngazi ya juu wa jeshi la Nigeria ameviagiza vikosi vya jeshi hilo kuendesha msako wa “usiku na mchana” ili kuwanusuru mabinti 25 wa shule waliotekwa nyara kaskazini-magharibi mwa nchi hiyo.
Shambulio lililofanywa asubuhi Jumatatu wiki hii katika shule ya sekondari katika jimbo la Kebbi kaskazini magharibi mwa Nigeria ni kati ya mashambulizi mtawalia ya utekaji nyara mashuleni yaliyoshuhudiwa hivi karibuni Nigeria baada ya kupita kipindi cha zaidi ya muongo mmoja baada ya kundi la Boko Haram kuwateka nyara mabinti 276 huko kaskazini mashariki mwa nchi hiyo mwezi Aprili mwaka 2014.
Meja jenerali Waid Shaibu amelitaka jeshi la Nigeria kuendeleza msako wa usiku na mchana ili kuwapata watoto hao waliotekwa nyara.
Ripoti zinasema kuwa ingawa polisi walikimbia kuelekea katika shule hiyo ya sekondari ya wasichana wa serikali katika mji wa Maga lakini genga la wahalifu lilifanikiwa kuweka mzingiro na kuwateka nyara wanafunzi baada ya kumuuwa Makamau Mkuu wa Shule.
Jimbo la Kebbi huko kaskazini magharibi mwa Nigeria linakabiliwa na tishio la ugaidi kutoka nchi jirani ya Niger huku kukiwa na magenge ya uhalifu ambayo huvamia vijiji na kupora mali za raia huku wakidai kupewa pesa, wakiwateka nyara watu na kuuwa raia.
Aghalabu ya wahalifu hao wanaojulikana kama majambzi wana kambi zao katika msitu wa Zamfara karibu na mji wa Maga.