Afisa wa ngazi ya juu wa zamani wa haki za binadamu wa Umoja wa Mataifa amelaani hatua ya Baraza la Usalama la umoja huo ya kupitishaa azimio linalounga mkono mpango wa Marekani wa kuanzisha kikosi cha kimataifa cha kurejesha utulivu katika Ukanda wa Gaza uliozingirwa, akiitaja kura hiyo kuwa ni “siku ya fedheha” kwa chombo hicho cha dunia.
Craig Mokhiber jana Jumanne alituma chapisho katika ukurasa wake wa mtandao wa kijamii akielezea kura ya Baraza Baraza la Usalama iliyopasisha mpango wa Marekani kuwa “siku ya fedheha” kwa taasisi hiyo ya kimataifa.
Afisa huyo wa zamani wa haki za binadamu wa Umoja wa Mataifa pia amezituhumu serikali duniani kwa kusalimu amri mbele ya Marekani na Israel utawala wa mabavu.
Azimio hilo lililoandaliwa na Marekani lilipasishwa juzi Jumatatu kwa kura 13 za ndio, na nchi mbili za Russia na China ambazo ni wanachama wa Baraza la Usalama hazikupiga kura.
Azimio hilo limepingwa na harakati na makundi ya kupigania ukombozi ya Palestina. Harakati ya Mapambano ya Kiislamu ya Palestina, Hamas, imepinga vikali azimio hilo, ikisema kwamba linalazimisha usimamizi wa kimataifa katika eneo hilo la Palestina. Taarifa iliyotolewa na Hamas imesema azimio hilo la UN halikidhi matakwa na haki za kisiasa na kibinadamu za watu wa Palestina.