Fletcher amesema dunia haizingatii vya kutosha mgogoro wa Darfur huko Sudan na kwamba kumeshuhudiwa hali ya kutojali mateso makubwa yanayoshuhudiwa, huku akitoa wito wa kuwalinda raia:
” Nilikutana pia na wawakilishi wa RSF na kuwaeleza kwamba tunahitaji uwajibikaji kamili kwa ukatili uliotokea el-Fasher, na kuwa tunasisitiza raia walindwe kikamilifu na tunalizingatia hilo. Na tunahimiza hayo kwa pande zote katika mzozo huo.”
Tangu wanamgambo wa RSF walipochukua udhibiti wa mji wa El-Fasher , Umoja wa Mataifa unasema karibu watu 100,000 wameukimbia mji huo na maeneo jirani huku makumi ya maelfu wakiwa bado wamenaswa katika mazingira magumu.