Beki huyo wa kulia mwenye umri wa miaka 27 pia alishinda taji la nne la Ligi Kuu ya kandanda Ufaransa msimu uliopita na akabeba Kombe la shirikisho la Ufaransa na UEFA Super Cup. Hakimi aliwapiku washindi wa zamani mshambuliaji wa Liverpool kutoka Misri Mohamed Salah na mshambuliaji wa Nigeria Victor Osimhen na kubeba tuzo hiyo kwa mara ya kwanza katika taaluma yake.
Mmoroco Ghizlane Chebbak alishinda tuzo ya mchezaji bora wa mwaka kwa wanawake kutoka Afrika, akiwapiku Mmorocco mwenzake Sanaa Mssoudy na Rasheedat Ajibade wa Nigeria. Mshambuliaji huyo wa Al Hilal alikuwa mfungaji bora wa mashindano ya Kombe la Mataifa ya Afrika kwa Wanawake mwaka huu, ijapokuwa timu yake ilifungwa na Nigeria katika fainali.
Yassine Bounou alibeba tuzo ya kipa bora mwanamme huku timu ya Morocco iliyobeba Kombe la Dunia la wachezaji wa chini ya umri wa miaka 20 ikishinda tuzo ya timu bora ya taifa. Kocha wa Cape Verde Bubista alishinda tuzo ya kocha bora wa mwaka baada ya kuongoza taufa hilo lenye idadi ya watu 525,000 kufuzu kucheza katika Kombe la Dunia 2026. Chiamaka Nnadozie alishinda tuzo yake ya tatu mfululizo ya kipa bora wa mwaka kwa wanamke.