Rais wa Afrika Kusini amesisitiza kuwa hakuna taifa linalopaswa kulitisha jingine kwa nguvu za kiuchumi au kijeshi, akieleza kuwa mataifa yote ni sawa. Kauli hiyo ya kupinga ubabe wa Marekani imetolewa mjini Boksburg, mashariki mwa Johannesburg, wakati wa hitimisho la mkutano wa kijamii wa G20.
Afrika Kusini imetangaza kuwa itatoa tamko la pamoja la viongozi katika mkutano wa kilele wa G20 utakaofanyika tarehe 22 hadi 23 Novemba, hata baada ya Marekani kutangaza haitaafiki tamko hilo.
Hii ni mara ya kwanza kwa taifa la Afrika kuongoza kundi hili lenye ushawishi mkubwa duniani, baada ya kuchukua urais wa mzunguko wa kila mwaka mwezi Desemba uliopita. Nchi wanachama wa G20 zinashikilia zaidi ya asilimia 70 ya biashara ya dunia.
Uhusiano kati ya Marekani na Afrika Kusini umedorara sana miaka ya hivi karibuni kutokana na tofauti za kisera za ndani na nje. Mapema mwezi huu, Rais wa Marekani Donald Trump alitangaza kuwa hakuna maafisa wa Marekani watakaohudhuria mkutano wa Johannesburg, akitoa tuhuma za ukiukaji wa haki za binadamu dhidi ya wazungu makaburi wa Afrika Kusini ambao wanajulikana kama Afrikaner. Serikali ya Afrika Kusini imekanusha mara kwa mara madai hayo, ikisema hayana ushahidi wa kuonyesha mateso ya kimfumo au unyang’anyi wa ardhi.
Rais wa Afrika Kusini amesema mazungumzo yanaendelea kuhusu uwezekano wa ushiriki wa Marekani, baada ya Washington kuashiria kubadilisha msimamo wake wa kususia kikao hicho.
Ramaphosa amesema Afrika Kusini ilipochagua kaulimbiu ya mshikamano, usawa na uendelevu kwa urais wake wa G20, lengo lilikuwa kuendeleza maono ya ushirikiano wa kweli na wa maana duniani. Kauli hiyo imeelezwa kama wito wa kuhakikisha si klabu ndogo ya viongozi pekee, bali watu wote duniani wanakuwa sehemu ya maono hayo.