MAKAMU wa Rais Balozi Dk Emmanuel Nchimbi amempongeza Rais wa Zanzibar na Mwenyekiti wa Baraza la Mapinduzi Dk Hussein Ali Mwinyi kwa ushindi wa kishindo aliyoupata katika Uchaguzi Mkuu, Oktoba 2025.
Makamu wa Rais ametoa pongezi hizo wakati akizungumza na Dk Mwinyi, mazungumzo yaliyofanyika Ikulu Zanzibar.
SOMA: DK Nchimbi aapishwa kuwa Makamu wa Rais
Amesema ushindi huo ni matokeo ya kazi kubwa aliyofanya Dk Mwinyi pamoja na Chama Cha Mapinduzi katika kipindi cha miaka mitano iliyopita.
Kwa upande wake Dkt. Mwinyi, amempongeza Makamu wa Rais Dk Nchimbi, kwa kushika wadhifa huo, na kumuhakikishia kuendelea kufanya kazi kwa karibu na Ofisi ya Makamu wa Rais katika kutafuta ufumbuzi wa masuala mbalimbali ya kimuungano.
Makamu wa Rais Dk Nchimbi, amefanya mazungumzo na Rais wa Zanzibar Dk Hussein Ali Mwinyi, kwa lengo la kujitambulisha.