Tetesi za Soka Ulaya Jumamosi: Man Utd huenda ikamuuza Bruno Fernandes

Manchester United huenda ikamuuza Bruno Fernandes ili kupata pesa za kusajili wachezaji wengine msimu wa joto, Barcelona wanavutiwa na Harry Kane na Julian Alvarez, Real Madrid inamfuatilia Angelo Stiller.

Kocha wa Manchester United Ruben Amorim yuko tayari kumuuza kiungo wa Ureno na nahodha wa klabu Bruno Fernandes, 31, msimu ujao ili kusaidia kufadhili usajili wa viungo wa kati wa Uingereza Adam Wharton, 21, na Elliot Anderson, 23, kutoka Crystal Palace na Nottingham Forest pamoja na Carlos Baleba wa Cameroon, 21, kutoka Brighton. (Teamtalk)

Manchester United itamruhusu kiungo wa kati wa Brazil Casemiro, 33, na winga wa Uingereza Jadon Sancho kuondoka katika klabu hiyo msimu ujao wa joto, hatua ambayo itaokoa £31m kwenye malipo ya mshahara. (Sun)

Barcelona inamchukulia mshambuliaji wa Bayern Munich na Uingereza Harry Kane, 32, na mshambuliaji wa Atletico Madrid na Argentina Julian Alvarez, 25, kama inaolenga kuwachukua msimu wa joto. (Mundo Deportivo – in Spanish)

Real Madrid huenda wakaimarisha safu yao ya kiungo wa kati kwa kumsajili mchezaji wa Stuttgart na Ujerumani Angelo Stiller, 24, ambaye angependa sana kuhamia Bernabeu. (Fichajes – in Spanish)

Bayern Munich wanamfuatilia mshambuliaji wa Vasco da Gama Mbrazil Rayan mwenye umri wa miaka 19 na raia mwenzake Souza, pia 19, ambaye amekuwa akiichezea Santos kama beki wa kushoto. (Bild – in German)

Manchester City inamfuatilia mlinzi wa Feyenoord Mholanzi Givairo Read, 19, wakati wanatazamia kumsajili beki wa kulia mwaka wa 2026. Bayern Munich tayari wamefanya mazungumzo na kambi ya mchezaji huyo. (Fabrizio Romano)

Tottenham wanajiandaa kutoa £44m kwa Villarreal kwa mshambuliaji wa Georgia Georges Mikautadze, 25. (Fichajes – in Spanish)

Everton itamlenga mshambuliaji wa Celtic na Japan Daizen Maeda, 28, mwezi Januari. (Football Insider)

Atletico Madrid hawatamuuza mchezaji anayelengwa na Chelsea na Bayern Munich Pablo Barrios, 22, isipokuwa wapokee angalau £88m kwa kiungo huyo wa kati wa Uhispania. (Fichajes – in Spanish)

Maafisa wa Arsenal wamekutana na wakala Jorge Mendes mjini Turin ili kujadili uwezekano wa kumnunua mshambuliaji wa Juventus na Uturuki Kenan Yildiz, 20. (Caught Offside)

Everton wanaaminika kuandaa ofa Januari kwa mshambuliaji wa kati wa Bologna Muargentina Santiago Castro, 21. (Teamtalk).

Beki wa Brighton Mfaransa Olivier Boscagli, 28, huenda akajiunga na Fenerbahce kwa mkopo mwezi Januari baada ya kuwa na wakati mgumu tangu ajiunge na klabu hiyo ya Ligi ya Premia msimu wa joto. (Fichajes – in Spanish)