Umerov ameitoa kauli hiyo baada ya Marekani kuwasilisha kwa Kyiv mpango wa usuluhishi unaohusisha kukubali baadhi ya matakwa ya Urusi.
Itakumbukwa kuwa Rais wa Marekani Donald Trump aliipa Ukrainemuda wa wiki moja kuidhinisha mpango wake wenye vipengele 28 ili kumaliza vita hivyo.
Rais wa Ukraine Volodymyr Zelensky ameupinga mpango huo unaomtaka pia kupunguza jeshi lake, kuisalimisha sehemu ya ardhi yake kwa Urusi na kuahidi kamwe kutojiunga na NATO. Rais wa Urusi Vladimir Putin kwa upande wake ameuunga mkono mpango huo.
Juhudi za Ulaya kupata mpango mbadala ili kuinusuru Ukraine
Hayo yanajiri wakati ambapo Rais wa Ufaransa Emmanuel Macron, Kansela wa Ujerumani Friedrich Merz na Waziri Mkuu wa Uingereza Keir Starmer, ambao ni washirika wakubwa wa Ukraine wamekutana pembezoni mwa mkutano wa kilele wa kundi la G20 na kuujadili mpango wa Trump.
Japokuwa wamepongeza juhudi zake za kutafuta amani Ukraine, wamesema mpango huo unahitaji kufanyiwa kazi ya ziada na kwa ushirikiano.