Tetesi za soka Ulaya: Arsenal, Chelsea zamgombania Murillo

Kocha mkuu wa Chelsea, Enzo Maresca, amemtaja beki wa Nottingham Forest, Murillo, chaguo lake kuu kwenye safu ya ulinzi, lakini beki huyo wa Kibrazili mwenye umri wa miaka 23 pia anavivutia pia vilabu vya Arsenal na Barcelona. (Caught Offside)

Manchester United wanataka kumbakiza Casemiro kwa kumuongezea mkataba mpya, lakini wanataka kiungo huyo wa Brazil mwenye miaka 33 akubali kupunguziwa mshahara kama sehemu ya makubaliano hayo. (Fabrizio Romano)

Manchester United wanaweza pia kumpa Antoine Semenyo jezi namba 24 anayoipendelea kuvaa ili kumshawishi mshambuliaji huyo wa Bournemouth na Ghana mwenye miaka 25 kujiunga na Old Trafford katika dirisha la Januari. (Manchester Evening News)

Liverpool wamempa Ibrahima Konate ofa ya mkataba mpya, lakini beki huyo wa Ufaransa mwenye miaka 26, ambaye mkataba wake unaisha majira ya kiangazi yajayo, bado hajajibu huku Real Madrid wakionyesha nia ya kumsajili. (Caught Offside)

Dayot Upamecano, 27, Mfaransa wa Bayern Munich anayefuatiliwa na vilabu vya Real Madrid, Inter Milan na Liverpool na ambaye mkataba wake pia unaisha mwisho wa msimu,ameonekana kujiondoa kwenye uwezekano wa kujiunga na Chelsea kwa uhamisho wa pesa nyingi Januari (Metro)

Federico Chiesa, kiungo mshambuliaji wa Italia, anaweza kuangalia uwezekano wa kuondoka Liverpool dirisha la Januari, huku timu za Serie A za Inter Milan, Napoli, AS Roma na AC Milan zote zikimfuatilia winga huyo mwenye umri wa miaka 28. (Fichajes – in Spanish)

Kushindwa kwa Liverpool kumsaini nahodha wa Crystal Palace, Marc Guehi, 25, majira ya kiangazi kumeacha maswali akilini mwa beki huyo wa England, ambaye sasa yuko tayari kusubiri hadi mwisho wa msimu kabla ya kuamua hatima yake. (Alan Nixon on Patreon)

Winga wa Chelsea na Ureno, Pedro Neto, 25, amejitokeza kama chaguo namba moja la Barcelona, huku mkurugenzi wa michezo Deco akiwa shabiki mkubwa wa mchezaji huyo mreno mwenzake. (Fichajes – in Spanish)

Mshambuliaji wa Newcastle, William Osula wa Denmark, mwenye miaka 22, anatamani kufufua uhamisho wake kwenda Eintracht Frankfurt Januari baada ya klabu ya ligi kuu England kusitisha mpango wake wa mkopo huo majira ya kiangazi. (Fussball Transfers – in German)

Fabian Schar anaweza kuondoka Newcastle pale mkataba wake utakapoisha majira ya kiangazi, huku beki huyo wa Uswizi mwenye miaka 33 akitafakari ofa kutoka klabu za Ujerumani. (Football Insider)

Liverpool wanajiandaa kutoa ofa ya paundi milioni 140 itakayoweka rekodi kwa ajili ya Joao Neves, kiungo wa Ureno mwenye umri wa miaka 21 anayekipiga Paris Saint-Germain. (Fichajes – in Spanish)

Brentford watamruhusu kipa wa Kiingereza, Matthew Cox, mwenye miaka 22, kuondoka kwa mkopo katika dirisha la Januari. (Football Insider)