Kufuatia ghasia zilizotokea wakati na baada ya uchaguzi mkuu wa Oktoba 29 nchini Tanzania, baadhi ya viongozi wa upinzani wa CHADEMA wamekimbilia nchini Kenya kutafuta hifadhi ya kisiasa. Miongoni mwao ni Rose Maemba na Shija Shibesh ambao wanaripotiwa kuomba hifadhi mjini Nairobi kutokana na vitisho vya maisha, uvamizi wa makaazi yao na madai ya kutekwa kwa baadhi ya viongozi wenzao.
