Asilimia 8 pekee ya Wajerumani ndio wanaoamini kwamba kocha wa timu hiyo ya Ujerumani, Julian Nagelsmann anaweza kuwaongoza wachezaji wake kuipa Ujerumani kombe lake la tano katika mashindano hayo yatakayoandaliwa Marekani, Canada na Mexico kuanzia Juni 11 mwaka 2026 na kumalizika Julai mwaka huo huo.
Kando na hayo asilimia 61 ya Wajerumani wanaamini kuwa timu yao, inaweza angalau hatua ya robo fainali huku asilimia 18 wakifikiri kwamba timu hiyo inaweza kufika nusu fainali na asilimia 8 tu, wanaona kuwa “Die Mannschaft” watafika fainali na kulileta Kombe nyumbani.
Ujerumani iliondolewa mapema katika hatua ya makundi kwenye mashindano ya Kombe la Dunia mwaka 2018 na 2022 huku asilimia 5 wakiwa na hofu kwamba hali itajirudia kama mwaka 2018 na 2022.
Timu ya taifa ya Ujerumani imeshinda Kombe la Dunia la FIFA mara 4
Wajerumani wanaoishi upande wa Mashariki ndio hawana matumaini kabisa na timu hiyo.
Asilimia moja tu ndio wanaamini “Die Mannschaft” itaibuka na ushindi wakati asilimia 13 ya Wajerumani wa upande huo wakiamini kwamba vijana wa Julian Nagelsmann wana uwezo wa kushinda.
Katika utafiti huo wa Forsa, watu 1,007 walio na umri wa miaka kati ya 18 na zaidi walihojiwa na utafiti huo ulifanyika kati ya tarehe 20 na 21 Novemba.
Timu ya taifa ya Ujerumani imeshinda Kombe la Dunia la FIFA mara 4: mwaka 1954, 1974, 1990 na 2014.
Licha ya kuchukua ubingwa wa dunia mara nne, mashabiki wengi bado wana mashaka kuhusu uwezo wa timu hiyo kuongeza taji la tano katika mashindano yajayo ya 2026 nchini Marekani, Kanada na Mexico.