Akitoa hotuba yake, mwenyeji wa mkutano huo Joao Lourenco amelalamikia hali inayozidi kuwa mbaya ya kiusalama duniani, akitoa mfano wa mapigano Ulaya, afrika na Mashariki ya Kati.
Mkutano huo wa kilele unaadhimisha miaka 25 ya mahusiano ya Umoja wa Ulaya na Afrika, mahusiano ambayo wachambuzi wanasema yanastahili kurekebishwa iwapo Ulaya inataka kuendelea kuwa na dhima yake kama mshirika mkuu wa Afrika.
Nchi za Umoja wa Ulaya ndizo zinazoongoza katika uwekezaji wa moja kwa moja wa nchi za kigeni barani Afrika.
Kulingana na Umoja wa Ulaya, biashara kati ya mabara hayo mawili mwaka 2023, zilifikia yuro bilioni 467.