Haya ni kwa mujibu wa Rais wa Ukraine Volodymyr Zelenskiy.
Katika ujumbe aliouandika kwenye mtandao wa kijamii wa X, Zelenskiy amesema mashambulizi hayo ya usiku kucha yalikuwa yanaulenga mji mkuu na kusababisha uharibifu mkubwa wa majengo na miundo msingi katika mji huo.
Haya yanafanyika wakati ambapo rais huyo wa Ukraine anaonesha matumaini kuhusiana na mpango wa amani wa Marekani.
“Kikosi chetu kiliripoti leo kuhusiana na hatua mpya na hii ndiyo njia sahihi. Nitazungumza mambo muhimu na Rais Trump. Ukraine haitokuwa kikwazo kwa amani, hii ndiyo kanuni yetu na mamilioni ya Waukraine wanatarajia na wanastahili amani. Tutafanya kila kitu kwa ajili ya hili, tuko tayari kufanya haraka iwezekanavyo.”
Zelenskiy ameyasema haya wakati ambapo Rais wa Ufaransa Emmanuel Macron amedai kuwa mpango wa amani wa Rais Donald Trump, unafuata mkondo sahihi ila kuna vipengee ambavyo vinastahili kufanyiwa marekebisho ili ukubalike na Ukraine na Ulaya.
Macron amesema ni Waukraine pekee wanaoweza kuamua ni makubaliano gani ya kimipaka wanayoyataka.