Maafisa hao wa jeshi wamesema wamefunga mipaka na watatangaza marufuku ya kutokutoka nje. wamefunga mipaka na watatangaza marufuku ya kutokutoka nje.
Kundi la maafisa wa jeshi nchini Guinea Bissau wamesema wanashikilia Madaraka baada ya kufanya mapinduzi. Kupitia taarifa iliyosomwa kupitia televisheni ya taifa maafisa hao wamesema wamemwondoa mamlakani Rais Umaro Sissoco Embalo, wamefunga mipaka na watatangaza marufuku ya kutokutoka nje.
Embalo na mpinzani wake walijitangazia ushindi kabla ya matokeo rasmi ya uchaguzi
Kwenye uchaguzi uliofanyika hivi karibuni rais Sissoco Embalo, na mgombea wa upinzani walijitangazia ushindi. Saa kadhaa zilizopita, milio ya risasi ilisikika Jumatano karibu na Ikulu ya Rais.
Mwandishi wa wa Shirika la Habari la Ufaransa, AFP aliyeshuhudia mkasa huo amesema baada ya milio ya risasi kusikika watu walikimbia na magari yaliondoka karibu na eneo hilo.
Rais Embalo alitarajiwa kuwa mshindi katika uchaguzi huo uliomalizika kwa amani hadi kufikia Jumatano wakati matokeo yakitarajiwa kutangazwa Alhamisi. Hata hivyo, mpinzani mkuu kwa Embalo, Domingos Simoes Pereira na chama chake PAIGC hawakushiriki katika uchaguzi.