Chuo cha Benki Kuu kimesema kipo mbioni kuunda sera mpya ya kuboresha mtaala wa mafunzo yatakayowawezesha wafanyakazi katika sekta ya fedha kujiandaa ipasavyo kwa maisha ya kustaafu.
Sera hiyo inalenga kuwajengea waajiriwa uwezo wa kupanga maisha yao baada ya ajira, huku ikihakikisha waajiri wanaendelea kunufaika na utendaji bora wa watumishi waliotulia kiakili na kimaandalizi kuhusu hatima yao baada ya utumishi.
Akizungumza katika mkutano wa kitaaluma wa Chuo cha Benki Kuu unaowakutanisha wataalamu kutoka mataifa mbalimbali duniani, Gavana wa Benki Kuu, Emmanuel Tutuba, amesema changamoto kubwa kwa wafanyakazi wengi ni hofu ya kustaafu.
Amesema sera hiyo mpya itasaidia kuondoa wasiwasi huo kwa kuwapatia maarifa sahihi kuhusu upangaji wa maisha ya baada ya kazi, hivyo kuongeza weledi, maadili ya kitaaluma na utulivu katika utekelezaji wa majukumu yao.
Innocent Aloyce
Mhariri | @claud_jm
#AzamTVUpdates #UTV108 #AdhuhuriLive