#HABARI: Zaidi ya watu 40 wamefariki katika moto mkubwa ulioteketeza majengo ya ghorofa jijini Hong Kong, huku 45 wakilazwa hospitalini na zaidi ya 279 wakitoweka.
Polisi wamewakamata wakurugenzi wawili wa kampuni ya ujenzi na mshauri wa uhandisi kwa tuhuma za mauaji, baada ya kubainika kuwa wavu na plastiki zilizofunika madirisha wakati wa ukarabati huenda zimesababisha moto kusambaa haraka.
Hadi leo Novemba 27, moshi bado unaonekana licha ya moto kudhibitiwa katika majengo manne kati ya manane. Idara ya Zimamoto imesema inaweza kuchukua siku nzima kuuzima kabisa.
Mamia ya wakazi wamehamishwa na kupelekwa kwenye makazi ya muda. Moto huu umeelezwa kuwa mkubwa zaidi Hong Kong katika miaka 17.