Ligi ya Mabingwa: Jedwali, matokeo na timu zipi ziko mbioni kufuzu kwa awamu ya mtoano

Huku mashindano ya ligi ya mabingwa yakielekea katika raundi ya moandoano jumla ya mechi 18 zilichezwa siku ya Jumanne na Jumatano. Katika michuano ya siku ya Jumatano Arsenal ilikuwa na mguu mzuri wakati ilipowalaza mabingwa wa Ujerumani na washindi mara 6 wa kombe la ligi ya mabingwa Bayern Munich.

Arsenal walitawala kipindi kirefu cha mechi na kunako dakika ya 22 Jurrien Timber alifunga kwa kichwa kona ya Bukayo Saka likiwa bao la 10 ambalo Arsenal wamefunga kwa kona msimu huu, idadi kubwa zaidi ya timu zote kwenye ligi tano bora za Ulaya.

Hatahivyo Bayern walisawazisha dakika 10 baadaye baada ya Joshua Kimmich kumpigia pasi nzuri Serge Gnabry aliyecheza na kinda Lennart Karl 17 ambaye alicheka na wavu na kuwanyamazisha mashabiki wengi wa Arsenal waliofurika katika uwanja wa Emirates kushabikia tiumu yao.

Winga wa Uingereza Madueke aliiweka The Gunners kifua mbele wakati mchezaji wa akiba Riccardo Calafiori alipopiga krosi kali ndani ya eneo na kusaidia wavuni.

The Gunners kisha wakahitimisha ushindi huo wakati shujaa wa derby ya London kaskazini Eberechi Eze alipompatia pasi nzuri Gabriel Martineli aliyemzunguka Manuel Neuer na kufunga goli la tatu.

Katika mechi nyingine siku ya Jumatano Kylian Mbappe aliiiongezea matumaini ya kufuzu kwa awamu ya moandano Real Madrid alipofunga magoli manne dhidi ya Olympiacos katika mchezo wa kusisimua wa Ligi ya Mabingwa.

Wagiriki hao walichukua uongozi wa mapema wa kushtukiza kupitia bao la Francisco Chiquinho la umbali wa yadi 20.

Lakini Mbappe aliwaongoza wageni na kufunga mabao matatu ndani ya dakika saba – ikiwa hat-trick ya pili ya haraka zaidi ya Ligi ya Mabingwa kuwahi kutokea.

Mabingwa wa ligi ya Premier Liverpool waliendelea na mkosi mbaya pale walipopoteza nyumbani dhidi ya PSV katika mechi nyingine ya ligi ya mabingwa.

Wekundu hao waliochanika, waliendeleza mkondo mbaya zaidi wa matokeo tangu 1953, walipofungwa magoli manne kwa moja na Waholanzi hao katika uwanja wa nyumbani wa Anfield. Hii ni meche yao ya tisa kupoteza kati ya 12 walizocheza.

Katika mechi nynegine zilizochezwa Jumanne usiku, Winga wa Chelsea, Estevao Willian alimshinda nyota mwenzake, Lamine Yamal katika ushindi wa 3-0 nyumbani dhidi ya wachezaji 10 wa Barcelona kwenye Ligi ya Mabingwa.

Estevao, 18, alifunga bao la pili la kushangaza baada ya Barcelona kupunguzwa hadi wachezaji 10 – baada ya nahodha Ronald Araujo kutolewa nje kwa kadi nyekundu kwa mara ya pili kabla ya mapumziko.

Kufikia wakati huo wenyeji walikuwa wametangulia kwa bao la kujifunga la kupitia mlinzi wa Barcelona Jules Kounde, huku mchezaji wa akiba Liam Delap aliiweka Chelsea kifua mbele na kumaliza ukame wa mechi 11 kwa bao lake la kwanza msimu huu.

Hata hivyo ni Estevao aliyeonyesha umahiri wake, katika pambano kati ya washambuliaji wawili bora zaidi duniani wote wakiwa na umri wa miaka 18.

Estavao aligonga vichwa vya habari pale alipochukua pasi ya Pau Cubarsi, na kumpita Alejandro Balde na kipa Joan Garcia, huku Yamal akitolewa dakika ya 80.

Wakati huohuo mchezo wa 100 wa Pep Guardiola wa Ligi ya Mabingwa akiwa kocha wa Manchester City ulimalizika kwa masikitiko baada ya wenyeji hao kushangazwa na timu ya Ujerumani Bayer Leverkusen.

Guardiola alifanya mabadiliko 10 kufuatia kupoteza kwao katika mechi ya Ligi ya Premia dhidi ya Newcastle siku ya Jumamosi, lakini uamuzi huo haukufua dafu kwani waliambulia vipigo mfululizo.

Wenyeji hao walichapwa 2-0 na Bayer Leverkusen

Leverkusen walikuwa wakicheza kwa kasi baada ya mapumziko na kupata zawadi yao kwenye kaunta wakati Christian Kofane aliporudisha mpira nyuma kwa nahodha Alejandro Grimaldo kabla ya mchezaji huyo kucheka na wavu

Na sasa tunaingia katika kipindi cha pili cha awamu ya ligi ya Mabingwa – kwa hivyo ni nani anayeelekea katika hatua ya mtoano na ni timu zipi ambazo zipo katika tishio la kuondolewa mapema?

Timu nane bora mwisho wa awamu ya ligi zitafuzu moja kwa moja katika awamu ya 16 bora.

Timu 16 zinazofuata – zilizoorodheshwa katika nafasi ya tisa hadi 24 – zinakwenda hatua ya mtoano kwa mikondo miwili katika raundi ya mtoano.

Timu 12 za chini kabisa zitaondolewa – na hazitaingia katika kinyang’anyiro cha Ligi ya Europa.

Arsenal wameanza vyema mechi zao tano, huku Manchester City – ambao walitinga 24 bora msimu uliopita – Newcastle na Chelsea kila moja akishinda mechi tatu kati ya tano za mwanzo, sawa na Liverpool, ambao wameshindwa kuongeza idadi yao katika kichapo dhidi ya PSV.

Wakati huohuo, Tottenham wameshinda mara mbili na kutoka sare mara mbili na kufungwa mara moja na mabingwa PSG na kwa sasa wanashikilia nafasi ya 16 wakiwa na michezo mitatu ya kucheza.

Spurs ndio timu ya chini zaidi kati ya timu za Uingereza kwenye kinyang’anyiro hicho, lakini bado wako alama mbili pekee kutoka kwa nane bora.

Ajax wako chini kabisa ya jedwali baada ya kupoteza mechi zao tano za kwanza, huku Benfica ya Jose Mourinho na Juventus zikisajili ushindi wao wa kwanza msimu huu katika siku ya tano ya mechi.