Mara nyingi kilio kikubwa cha wanunuzi wa bidhaa kwenye masoko huangukia katika maeneo matatu muhimu; ubora wa bidhaa, ubunifu unaofanywa kwenye bidhaa yenyewe na bei ambayo hupaswa kuendana na viiili vilivyotangulia na cha tatu ambacho ni uwezo wa kipato cha mnunuaji kuweza kumudu gharama au bei husika.
Vitu hivyo vinne vinatarajiwa kuwa chachu na kipimo cha mafanikio ya uanzishwaji wa Kituo Cha Kimataifa Cha Biashara na Usafirishaji Afrika Mashariki (EACLC) kupitia maonesho ya kwanza ya bidhaa yatakayoanza tarehe 28 Novemba hadi Disemba 5, 2025 ambayo yatahudhuriwa na wafanyabiashara zaidi ya 250 kutoka mataifa mbalimbali.
Katika ufunguzi wa EACLC, Agosti Mwaka huu, Rais Samia Suluhu Hassan aliahidi kituo hicho kutokuwa mshindani wa Soko Kuu la Kariakoo na maduka mengine yanayofanya biashara katika eneo la Kariakoo huku ikiaminika kuwa EACLC kina jukumu la kuwa kituo cha kuwarahisishia wafanyabiashara wa Kariakoo na masoko mengine ndani na nje ya Tanzania kupata bidhaa kwa bei ya jumla (kama zinavyonunuliwa nie ya nchi hususani China) na kwenda kuuza katika masoko yao kwa bei itakayowapa nafuu zaidi wananchi.
Je, maonesho yanayoanza Novemba 28 yataakisi dhamira hiyo?
��Ni suala la kushiriki maonesho na kujionea.
Imeandaliwa na @moseskwindi