Soko la Bidhaa Tanzania (TMX), limetangaza mafanikio makubwa katika msimu wa minada ya korosho baada ya kuuza jumla ya tani 273,000 za korosho ghafi kupitia minada 17, ambapo thamani ya mauzo hayo imefikia shilingi bilioni 871 ambazo zote tayari zimelipwa kwa wakulima.
Afisa Usimamizi wa Fedha kutoka TMX, Prince Philemon Mng’ong’o Amesema fedha hizo zimewasilishwa moja kwa moja katika vyama vikuu vya ushirika vinavyokusanya korosho kutoka kwa wakulima katika mikoa ya Mtwara, Lindi, Pwani na Ruvuma.
Mng’ong’o Amesema mfumo wa TMX umeendelea kuleta ufanisi mkubwa katika uuzaji wa mazao ya wakulima hususan korosho kwa kuhakikisha uwazi ushindani wa bei na ulipaji wa haraka kwa wakulima.
“Tumeweza kufanikisha minada 17 kwa mafanikio makubwa ambayo yamewezesha korosho tani 273,000 kuuzwa kwa thamani ya shilingi bilioni 871. Kikubwa zaidi, fedha hizi zote tayari zimefikishwa kwenye vyama vikuu vya ushirika na kuendelea kuwafikia wakulima bila ucheleweshaji,” amesema Mng’ong’o.
hatua hiyo inaendelea kuimarisha imani ya wakulima kwa mfumo wa TMX na kuongeza ushindani wa kampuni za ununuzi, hali inayochochea bei bora kwa wakulima.
#stafTvUpdate
(Feed generated with FetchRSS)