Tetesi za soka Ulaya: Samu azichanganya Arsenal, Chelsea na Spurs

Tottenham wanavutiwa na mshambuliaji wa Hispania Samu Aghehowa kutoka Porto, huku Arsenal na Chelsea pia wakionesha nia ya kumtaka mchezaji huyo mwenye umri wa miaka 21. (Caught Offside)

Nottingham Forest wameamua kumbakiza kiungo wa England Elliot Anderson, 23, na hawatapokea ofa zozote kwa ajili yake kwenye dirisha la usajili la Januari. (Mail)

Manchester United ni miongoni mwa klabu zinazohusishwa na Anderson na klabu hiyo ya Old Trafford inataka kuongeza mchezaji wa katika nafasi ya ‘wing-back’ pamoja na kusajili kiungo wa kati. (ESPN)

Crystal Palace wanaangalia uwezekano wakumsajili katika dirisha la Januari kiungo wa Newcastle United, Joe Willock, 26, raia wa England. Newcastle wanaweza kushawishika kumuuza kwani wanataka kumsajili kiungo wa Uholanzi mwenye umri wa miaka 19, Kees Smit kutoka AZ Alkmaar. (Telegraph)

West Ham wanaongoza katika mbio za kumsaini Promise David kutoka Union Saint-Gilloise mwezi Januari, huku Wolves na Leeds pia wakionesha nia kwa mshambuliaji huyo wa Canada mwenye umri wa miaka 24. (Teamtalk)

Chelsea wamefungua tena mawasiliano na wawakilishi wa Mike Maignan baada ya kujua kwamba kipa huyo wa Ufaransa mwenye umri wa miaka 30 hana nia ya kuongeza mkataba wake na AC Milan majira ya kiangazi yajayo. (Sky Sport)

Kipa wa Denmark Filip Jorgensen, 23, anaweza kuuzwa na Chelsea ili kutoa nafasi kwa ujio wa Maignan au kipa mwingine. (Football Insider)

Wakala wa mshambuliaji wa Brazil Estevao Willian anasema mchezaji huyo mwenye umri wa miaka 18 alipelekwa kwanza Barcelona kabla ya kujiunga na Chelsea lakini hali ya kifedha ya klabu hiyo ya Uhispania iliifanya ishindwe kumsajili. (Cadena Ser, via Talksport)

Mshambuliaji wa Atletico Madrid Julian Alvarez, 25, amehusishwa na klabu kadhaa lakini rais wa klabu hiyo, Enrique Cerezo, anasema mchezaji huyo wa Argentina anataka kubaki Hispania. (Mundo Deportivo)

Aliyekuwa mmiliki wa Newcastle United, Mike Ashley, ameshindwa katika ofa yake ya kwanza ya pauni milioni 20 kwa ajioi ya kuinunua Sheffield Wednesday ya Championship, kwani pendekezo hilo ni pungufu kwa zaidi ya pauni milioni 10 ya ofa zilizotolewa na wapinzani. (Talksport)