Vijana wanaofanya shughuli mbalimbali za uzalishaji mali katika maeneo ya Soko la Bombambili na stendi ya magari ya Ruhuwiko manispaa ya Songea wamewatuhumu watendaji wanaosimamia utolewaji wa mikopo ya asilimia 10 za halmashauri kwa ajili ya kuyanufaisha makundi ya vijana, wanawake na wenye ulemavu kwa madai kuwa watendaji hao wamekuwa na ubinafsi.
Wakifikisha kilio chao kwa Waziri wa Vijana, Joel Nanauka wameongeza kuwa sehemu ya watendaji hao hawapaswi kufumbiwa macho kwasababu huchangia kukwamisha miradi na mipango ya serikali kuu.
Kwa upande wa watendaji hao, wameiomba serikali kuu kuwasaidia kurejesha mfumo wa waombaji mikopo kukaguliwa na maafisa maendeleo wa serikali badala ya benki kwani wajasiriamali wengi hushindwa kukidhi vigezo vinavyowekwa na taasisi hizo za fedha kwa ajili ya kupata mikopo hiyo.
Imeandaliwa na @moseskwindi