Chanzo cha picha, Getty Images
Manchester City wako tayari kumfanya Elliot Anderson wa Nottingham Forest, 23, kuwa mmoja wa wachezaji wakuu inaowalenga katika uhamisho wa 2026 na wanampendelea zaidi ya kiungo mwenza wa Uingereza Adam Wharton, 21, wa Crystal Palace. (Mail)
Sunderland wako tayari kumenyana na Newcastle kumnunua kiungo wa kati wa Lazio Mfaransa Matteo Guendouzi, 26. (Teamtalk)
Napoli wamewasilisha uchunguzi mwingine kwa Manchester United kuhusu kupatikana kwa kiungo wa kati wa Uingereza Kobbie Mainoo, 20. (Soccer Italia)
Atletico Madrid wamejiunga na mbio za kumsajili beki wa Crystal Palace na Uingereza Marc Guehi, 25. (Marca – In Spanish)
Chanzo cha picha, Getty Images
Real Madrid wamesitisha nia yao ya kutaka kumnunua beki wa kati wa Liverpool Mfaransa Ibrahima Konate, 26, ambaye mkataba wake unamalizika mwishoni mwa msimu huu. (Athletic – Subscription)
Liverpool wamesalia na nia ya kumshikilia Konate lakini iwapo tu masharti ya mkataba mpya yataambatana na muundo wa mshahara wa klabu. (Sky Sports)
Mshambulizi wa Crystal Palace na Ufaransa Jean-Philippe Mateta, 28, analengwa na AC Milan na vilabu vingine kadhaa nchini Italia na Ligi ya Premia. (Fabrizio Romano)
Beki wa pembeni wa Newcastle Muingereza Tino Livramento, 23, anasakwa na Manchester City, ambao wanaweza kukabiliana na ushindani wa kumsajili kutoka Manchester United na Arsenal. (Offside Trap)
Chanzo cha picha, Getty Images
Arsenal wamewasiliana na wakala wa mshambuliaji wa Uturuki Kenan Yildiz, 20, kwa matumaini ya kumtunuku kutoka Juventus. (La Repubblica – In Itali),
Kiungo wa kati wa Colombia na Fortaleza CEIF Cristian Orozco, 17, atawasili Uingereza kusaini mkataba na Manchester United siku zijazo. (Fabrizio Romano)
Nottingham Forest inamfuatilia mlinda lango wa Derby County Jacob Widell Zetterstrom huku mchezaji huyo wa kimataifa wa Uswidi mwenye umri wa miaka 27 akiwa bado hajakubali mkataba mpya na Rams. (Sky Sports)