Katika miaka yangu mingi kama mwandishi wa habari, sikuwahi kufikiria ningekuwa nikiuliza mtu jinsi inavyohisi kudungwa manii usoni mwake.
Abby Warnes amelazwa juu ya kiti kikubwa cheusi kilicho na matakia katika kliniki ndogo ya urembo kusini mwa Manchester.
Anasisimka huku bomba dogo likiingizwa kwenye shavu lake kwa ustadi.
“Ouch. Lo,” anashangaa.
Ninapaswa kueleza wazi kwamba Abby mwenye umri wa miaka 29 hapati dozi kamili ya manii.
Sehemu ya chini ya uso wake inadungwa vipande vidogo vya DNA, vinavyojulikana kama polynucleotides, ambavyo vimetolewa kwenye samaki au mbegu za Samaki Salmon.
Kwa nini? Cha kushangaza ni kwamba DNA yetu ni sawa na ile ya samaki.
Kwa hivyo tumaini ni kwamba mwili wa Abby hautakaribisha tu nyuzi hizi ndogo za chembechembe ya samaki, seli za ngozi yake zitachochewa kufanya kazi, na kutoa kolagini zaidi na elastini, protini mbili ambazo ni muhimu kwa kudumisha uadilifu wa muundo wa ngozi yetu.
Kwa Abby, lengo ni kufanya ngozi yake kuwa nzuri, kuifanya iwe na muonekano wa kuvutia, na tunatumai la kutibu chunusi ambazo ameishi nazo kwa miaka mingi kwa kupunguza makovu na uwekundu.
“Nataka tu kutatua hayo matatizo hayo ya Ngozi niliyonayo,” anaeleza.
Matibabu ya ‘polynucleotide’, tiba ya ngozi kwa kutumia vipande vya DNA ndiyo yaliokwenye gumzo kama “muujiza” na inaendelea kupata umaarufu baada ya watu mashuhuri kuzungumza waziwazi juu ya wao “kudungwa manii ya salmoni”.
Mapema mwaka huu, Charli XCX aliwaambia wafuasi wake milioni tisa wa Instagram kwamba anahisi tiba ya kutiwa “vichuji imepitwa na wakati kwa sasa”, na kueleza kuwa sasa amehamia kwenye polynucleotides, ambayo “ni kama vitamini za ndani kabisa”.
Kim na Khloe Kardashian pia wanaripotiwa kuwa mashabiki wa hili. Na alipoulizwa kuhusu utaratibu wake wa kutunza ngozi kwenye kipindi cha hivi majuzi cha Jimmy Kimmel Live, Jennifer Aniston alijibu: “Jamani, kwani sina ngozi inayovutia ya salmoni?”
Chanzo cha picha, EPA-EFE/REX/Shutterstock
Swali ni je, licha ya mwanzo wao wenye mashaka, je, tiba ya ‘polynucleotides’ hubadilisha utunzaji wa ngozi?
Suzanne Mansfield, ambaye anafanya kazi katika kampuni ya urembo ya Dermafocus, anasema.
Hayo ni marejeleo ya filamu ya 2008 ‘The Curious Case of Benjamin Button’, ambapo Brad Pitt anaigiza mwanamume anayerudi nyuma kiumri. Alipofikia umri wake wa baadaye, alikuwa na ngozi kama ya mtoto.
Ingawa matokeo kama hayo huenda yasipatikane kwa kiasi kikubwa na linaweza kuwa suala la kutatanisha mno, Bi Mansfield anasema ‘polynucleotides’ inatengeneza njia linapokuja suala la utunzaji wa ngozi na kuifanya kuwa ya kuvutia.
Kikundi kidogo lakini kinachoendelea kufanya utafiti na majaribio ya kimatibabu yanapendekeza kuwa matibabu ya ‘polynucleotidi’ yanaweza kufanya Ngozi kung’aa, sio tu kuifanya kuwa na afya njema lakini pia kunaweza kupunguza muonekano wa mishipa midogo midogo, mikunjo na makovu.
“Yote tunayofanya, kwa kuitumia katika tasnia ya urembo,” anasema, “ni kuimarisha kitu ambacho mwili tayari unafanya. Ndio maana matibabu haya ni maalum.”
Lakini pia urembo huu unafanyika kwa kugharamika kidogo.
Kipindi kimoja cha sindano za ‘polynucleotide’ kinaweza kugharimu popote pale duniani kutoka £200 hadi £500 – na inashauriwa upate angalu sindano tatu kwa wiki kadhaa.
Baada ya hapo kupata tiba ya kwanza, kliniki huwa inakushauri kupata sindano kila baada ya miezi sita hadi tisa ili kudumisha mwonekano.
Lakini tukirudi kwenye kliniki, matibabu ya Abby karibu yanalazimika.
“Imebaki hatua moja,” Helena Dunk, muuguzi wa urembo anayemiliki kliniki, Skin HD, anamhakikishia.
Anasema matibabu ya ‘polynucleotides’ yameongezeka kwa kiasi kikubwa hasa katika kipindi cha miezi 18 iliyopita.
“Nusu ya wateja wangu wanaona tofauti kubwa – ngozi yao inahisi kuwa na maji zaidi, yenye afya zaidi na imekuwa changa – wakati nusu nyingine haioni mabadiliko makubwa kama hayo. Lakini ngozi zao huwa na hisia za kuwa imara na mpya.”
Abby tayari amedungwa eneo la chini ya macho yake kama sehemu ya matibabu ya awamu tatu katika kliniki – na amefurahishwa sana na matokeo.
Alidungwa sindano nyingi ndogo za ‘polynucleotides’, ambayo ilikuwa “utaratibu wenye uchungu sana”, lakini anasema ilisaidia kupunguza weusi chini ya macho yake.