Chanzo cha picha, Getty Images
Arsenal wanamfuatilia kiungo wa Elche, Rodrigo Mendoza mwenye umri wa miaka 20, ambaye ana kifungu katika mkataba wake cha kuuzwa kwa paundi milioni 17.5. (Telegraph)
Manchester United wanataka kusajili beki wa kati majira yajayo ya kiangazi, lakini bado wangependa beki wa England mwenye uzoefu, Harry Maguire (32), asaini mkataba mpya kubaki Old Trafford. (Teamtalk)
Roma wanaonyesha nia ya kumsajili mshambuliaji wa Uholanzi, Joshua Zirkzee (24), kwa mkopo kutoka Manchester United mwezi Januari. (Il Messaggero)
Kifungu cha kuuuzwa cha mshambuliaji wa Bournemouth na Ghana, Antoine Semenyo, ambacho kwa sasa ni paundi milioni 65, kitapungua kidogo mwezi Januari, na zaidi kiangazi, lakini hakitashuka chini ya paundi milioni 50. (Telegraph)
Kocha wa Manchester City, Pep Guardiola, ana wasiwasi kuhusu kutegemea mno uwezo wa Erling Haaland (25), hivyo anafikiria kuwania pia saini ya Semenyo, wakishindana na Liverpool. (Talksport)
Chanzo cha picha, Getty Images
Nottingham Forest wamemuweka kiungo wa Brighton, Jack Hinshelwood (20), kwenye orodha ya nyota wanaolenga kuwasajili wa Januari. (Mail)
West Ham wanataka mshambuliaji wa Ujerumani Niclas Fullkrug (32) aondoke kwa uhamisho wa kudumu mwezi Januari, na wanapanga kutumia fedha zitakazopatikana kusajili washambuliaji wapya. (Florian Plettenberg)
Miongoni mwa machaguo ya West Ham ni mshambuliaji wa Union Saint-Gilloise, Promise David (24), ambaye ni raia wa Canada, na wanaweza kumsajili kwa takribani paundi milioni 17. (GiveMeSport)
Sunderland na Brentford wanaonyesha nia ya kumsajili mshambuliaji wa AC Milan na Mexico, Santiago Gimenez (24). (Calciomercato)
Real Madrid wanapanga kutumia kifungu chao cha kumrejesha kiungo wa Argentina, Nico Paz (21), anayekipiga Como, lakini kifungu hicho kinapatikana kuanzia majira ya kiangazi pekee, si Januari. (Fabrizio Romano)
Kocha wa Everton, David Moyes, anataka kumbakiza klabuni hapo kiungo wa Kiingereza James Garner (24), licha ya mchezaji huyo kuvutiwa na vilabu vya Manchester United, Aston Villa na Nottingham Forest. Garner yuko mwisho wa mkataba msimu huu. (Talksport)
AC Milan wanataka kufufua mazungumzo ya mkataba mpya na kipa wa Ufaransa Mike Maignan (30), kufuatia nia ya Juventus na vilabu kadhaa vya ligi kuu England (Gazzetta dello Sport)