Putin azidisha matakwa yake kabla ya mazungumzo ya Ukraine na Marekani

Mmoja wa
wanajeshi wawili wa ulinzi waliopigwa risasi katika Ikulu ya Marekani siku ya
Jumatano ameaga dunia, Rais wa Marekani Donald Trump alisema.

Sarah
Beckstrom, 20, alifariki dunia kutokana na majeraha, Rais Trump alisema
Alhamisi jioni.

Mwanajeshi
wa pili, Andrew Wolfe mwenye umri wa miaka 24, bado “anapigania maisha
yake”, Trump aliongeza.

Wote wawili
walipigwa risasi kwa karibu katika Ikulu ya Marekani muda mfupi tu baada ya saa
14:00 za eneo (19:00 GMT) siku ya Jumatano. Polisi wamemkamata mshukiwa mmoja kuhusiana
na tukio hilo la ufyatuaji risasi, Rahmanullah Lakanwal, mwenye umri wa miaka
29 kutoka Afghanistan.

Rais Trump
alithibitisha kifo cha Bi Beckstrom alipokuwa akitoa shukrani kwa mwanajeshi
huyo wa Marekani.

“Sarah
Beckstrom wa West Virginia, mmoja wa walinzi tunaozungumza juu yake,
anayeheshimiwa sana, kijana, mtu mzuri … Ameaga dunia. Hayuko nasi
tena,” alisema.

Trump
baadaye alizungumza na wazazi wake, afisa wa Ikulu ya Marekani aliambia
mshirika wa BBC wa Marekani CBS News.

Bwana Lakanwal
ambaye ni mshukiwa ameripotiwa kuja Marekani chini ya mpango
unaoitwa ‘Operation
Allies Welcome’, ambao unatoa kinga maalum za uhamiaji kwa Waafghanistan
baada ya kujiondoa kwa Marekani kutoka Afghanistan.

Alikuwa
amesaidia kulinda vikosi vya Marekani katika uwanja wa ndege wa Kabul mwaka wa
2021 wakati maelfu wakikimbilia kutoroka Afghanistan kabla ya Taliban kuchukua
madaraka, kamanda wa zamani wa kijeshi ambaye alihudumu pamoja naye aliambia
Idhaa ya BBC ya Afghanistan.

Bw Lakanwal
aliomba hifadhi mwaka wa 2024, na ombi lake lilikubaliwa mapema mwaka huu,
afisa aliambia CBS.

Soma zaidi: