Chanzo cha picha, Getty Images
Nyota wa Brazil Vinicius Jr anakaribia kusaini mkataba mpya kusalia Real Madrid baada ya kupunguza madai yake ya mshahara. Mkataba wake wa sasa unaisha Juni 2027. (Mundo Deportivo)
Manchester United imewasiliana na wawakilishi wa Vinicius Jr, ambaye anaripotiwa yuko mguu ndani mguu nje Madrid, huku Manchester City pia ikitarajiwa kuungana katika mbio hizo endapo ataamua kuondoka Real Madrid. (Caught Offside via The Daily Briefing)
Liverpool wanakabiliwa na kitendawili cha ama kufanya haraka kumsajili Antoine Semenyo wa Bournemouth mwezi Januari au kusubiri kiangazi, muda ambao Manchester City wanatarajiwa kuingia katika mbio za kumsajili winga huyo wa Ghana mwenye umri wa miaka 25. (i Paper)
Chanzo cha picha, Getty Images
Makocha wa zamani wa Nottingham Forest Ange Postecoglou na wa zamani wa Celtic Brendan Rodgers wanatajwa kuwa miongoni mwa wanaowania nafasi ya kumrithi Daniel Farke wa Leeds United, aliyekalia kuti kavu. (Talksport)
Kocha wa Brazil Carlo Ancelotti mkataba wake unaisha baada ya Kombe la Dunia la 2026, lakini mazungumzo ya kuongezwa kwa mkataba yanatarajiwa kuanza. (ESPN)
Klabu ya Championship Sheffield Wednesday inamfikiria mshambuliaji wa zamani wa Middlesbrough Duncan Watmore, 31, ambaye ni mchezaji huru na amekuwa akifanya mazoezi na timu hiyo. (Sky Sports News)
Manchester City wameungana na Arsenal katika kumfuatilia kiungo wa Uhispania Rodrigo Mendoza, 20, wa Elche, huku Real Madrid pia wakionyesha nia. (Mail)
Chanzo cha picha, Getty Images
Leeds United wameulizia uwezekano wa kumsajili tena kwa mkopo kiungo Kalvin Phillips, 29, kutoka Manchester City, lakini dili hilo huenda lisifanikiwe, jambo linalomfanya mchezaji huyo aangalie ofa kutoka Ufaransa, Hispania na Ujerumani. (Mirror)
Stoke, Norwich na Portsmouth wanamfuatilia winga wa Brazil Andre Luiz, 23, ambaye anavivutia pia vilabu vya ligi kuu England kama Brentford na Sunderland, ingawa klabu yake Rio Ave haitaki kumuuza kirahisi. (A Bola)
Nottingham Forest wameulizia kuhusu upatikanaji wa mshambuliaji wa Poland Adrian Przyborek, 18, kutoka Pogon Szczecin. (Teamtalk)