Kwanini Salah amekuwa ‘tatizo’ kwa Liverpool?

Inaonekana kwamba hatua ya Mohammed Salah kutorudi nyuma ili kusaidia timu yake ya Liverpool, hasa dhidi ya timu bora – imezua tatizo.

Ninaelewa kabisa iwapo bosi wa Reds Arne Slot amemwambia Salah asirudi nyuma, kwa sababu kusubiri juu ya uwanja upande wa kulia kwa mpito kumemfanya kuwa mmoja wa wafungaji hodari zaidi duniani.

Lakini wachezaji walio nyuma yake hawamlindi ipasavyo na hilo limezua matatizo mengi kwa yeyote ambaye amekuwa beki wa kulia msimu huu.

Iwe Jeremie Frimpong, Conor Bradley au Dominik Szoboszlai, wako taabani kwa sababu wanakabiliwa na 2v1 kuzidiwa upande wao.

Ulikuwa udhaifu wa kweli siku ya Jumamosi, ambao ulipelekea Chelsea kupata ushindi – na wasiwasi lazima uwe kwamba timu nyingi zitakuwa na werevu wa kutosha kutumia njia hiyo hiyo.

Kwanza kabisa, siwezi kuamini kuwa Slot anamwambia Salah kurudi nyuma na kumsaidia beki wake wa kulia.

Iwapo Salah aliambiwa amfuate beki wa kushoto wa Chelsea, Marc Cucurella, basi ilikuwa dhahiri kwamba hayuko hivyo, na Slot hangevumilia hilo.

Badala yake, Slot anampa Salah uhuru wa kutofanya kazi ya ulinzi, ambayo ni sawa – kuna mifano mingi ya timu zingine ambazo zimefanya kama hivyo, na wachezaji ambao wanataka kuweka nguvu zao zote kwa kushambulia.

Ndio, bado kuna nyakati fulani kwenye mchezo ambapo unaruhusu nafasi na uko chini ya shinikizo, ambapo unaweza kuchukua jukumu mwenyewe na kurudi nyuma.

Najua Salah anaweza kufanya hivyo pia, kwa sababu Liverpool iliposhinda Manchester City msimu uliopita, safu yake ya ulinzi ilikuwa mojawapo ya bora ambayo nimeona kutoka kwake.

Lakini lazima alitakiwa kufanya hivyo kwenye hafla hiyo, ndiyo maana simchimbi hapa ikiwa ameombwa kusalia mbele.

Suala la Salah ni zaidi ya jinsi Liverpool wanavyojipanga nyuma yake, haswa dhidi ya timu bora.

Wachezaji wengine wanapaswa kusaidia zaidi, na haraka, kwa sababu ilionekana wakati Chelsea walipokuwa wakitengeneza mpira mbele na kuuhamishia kushoto , kwa sababu hapo ndipo nafasi ilipokuwepo.

Iwapo kiungo wa Liverpool alichelewa kufika eneo hilo – iwe Ryan Gravenberch au Alexis Mac Allister – basi aliacha pengo mbele ya safu ya ulinzi kwa sababu Liverpool walikuwa wakipoteza mtu kutoka katikati.

Haya yote yanakuwa tatizo kidogo unapocheza na timu ambazo unatawala mpira – kama tulivyoona, kwa sababu Liverpool wameshinda ligi wakicheza hivi – lakini wanapaswa kukaza kwa sababu timu za juu zitatumia vibaya eneo hilo.

Sio kana kwamba eti Salah amebadilisha jukumu lake msimu huu ndio maana hafungi upande mwingine, pengine safu ya ulinzi ya mchezo wake imeongezeka.

Kwa kweli sina wasiwasi kuhusu fomu yake, kwa sababu hatimaye kiwango chake cha mchezo kitaimarika..

Alipata nafasi nzuri dhidi ya Chelsea lakini labda alipiga wakati alipaswa kupita, na kinyume chake, lakini nafasi hizo zitaendelea na ataafikia malengo yake.

Wasiwasi wangu mkubwa na Liverpool kwa sasa ni kushindwa kwao kudhibiti michezo ikilinganishwa na msimu uliopita.

Imekuwa wiki ya kusikitisha kwao, bila shaka, si tu kupoteza mechi tatu mfululizo kwenye Ligi Kuu na Ligi ya Mabingwa, lakini pia kwa sababu viwango vya mchezo si vile tunavyotarajia.

Kuna mambo yanayopaswa kufanyiwa mabadiliko kwa kweli, na mabadiliko yote ya wachezaji katika msimu wa joto na idadi ya wachezaji ambao walikosa kujiandaa , lakini msimu uliopita wa Slot Liverpool walionekana kuwa wazuri sana katika kusimamia michezo lakini sio ilivyo sasa.

Ilionekana kana kwamba umbo lao la ulinzi lilikuwa sawa, na mtindo wa Slot unaotegemea umiliki zaidi ulileta udhibiti mkubwa zaidi.

Ni kitu ambacho watu waliona mara moja kwamba ameongeza kwenye timu, ikilinganishwa na ilivyokuwa chini ya Jurgen Klopp.

Sasa, hata hivyo, ninawatazama na inaonekana kuwa na machafuko. Nusu saa ya mwisho ya mchezo wa Chelsea ilikuwa ya fujo sana ikahisi kama sare ya kombe – walikuwa na nafasi za kushinda, lakini walitoa nafasi nyingi pia, ndiyo maana waliishia kuchapwa.

Kuna mambo machache ambayo hayako sawa kuhusu Liverpool, na ninaendelea kuwaona wakipeana mpira ovyo ovyo, lakini sioni hii iwapo ni hali isiyoweza kutatuliwa.

Kwa sababu tu Liverpool ina wachezaji wapya – na aina tofauti za wachezaji pia – hawana haja ya kubadilisha jinsi wanavyocheza. Wanahitaji tu kurejea kuwa na subra zaidi, na kujumuisha zaidi.

Habari njema ni kwamba wapo nyuma kwa pointi moja tu kwa viongozi Arsenal na wana muda wa kurekebisha mambo ambayo yanaenda kombo.

Kipengele cha hali ya kimwili wanachokosa kitarudi kwa sababu wachezaji ambao hawakuwa na maandalizi mazuri ya kuanza msimu kama vile Alexander Isak, Mac Allister, Bradley na Hugo Ekitike, watafikia kiwango cha juu cha utimamu wa mwili hivi karibuni.

Kujenga mahusiano yanayofaa uwanjani daima huchukua muda pia, iwe kati ya beki wa kulia na Salah au Florian Wirtz na Isak.

Kwa hiyo, hakuna haja ya hofu. Inaonekana katika Ligi ya Premia, na sio tu Liverpool lakini timu zote.

Ukweli ni kwamba kilichotokea kwa Liverpool wiki hii huenda kitatokea kwa Arsenal na Manchester City msimu huu pia.

Kwa kweli sikufikiria City ingekuwa katika mbio za ubingwa, lakini ikiwa Erling Haaland atasalia na hamu hii ya kufunga mabao basi watakuwa wagombea wa taji la ligi.