Mtu mmoja anayeishi karibu na eneo hilo amesema shambulizi hilo lilitokea Jumatano mchana.
Amesema baada ya shambulizi hilo, walitoa miili ya watu13 kutoka kwenye kifusi na kisha kuwazika.
Mtu mmoja aliyenusurika katika shambulizi hilo amesema kulikuwa na familia 70 ndani ya msikiti huo, baada ya RSF kuingia ndani ya nyumba zao.
Watu 20 wajeruhiwa
Amesema shambulizi hilo limewajeruhi pia watu wengine 20 na kuharibu sehemu ya msikiti huo.
Mashambulizi yanayofanywa sasa ya RSF dhidi ya El-Fasher ni mabaya zaidi tangu walipoanza kupambana na jeshi la Sudan, mnamo Aprili 2023.
Mashambulizi hayo yanafanyika ndani ya muda wa saa 24, baada ya RSF kuwaua watu 12 katika hospitali kuu ya mji wa El-Fasher ambao umezingirwa.