Urusi imesema leo kwamba vikosi vyake vimeendelea kusonga mbele katika eneo la Zaporizhzhia kusini mwashiriki mwa Ukraine na kudhibiti vijiji viwili.
Wizara ya Ulinzi Urusi imethibitisha kuwa vikosi vyake tayari vinadhibiti vijiji vya Mala Tokmachka na Rivnopillya, hatua ambayo inaiweka katika hatari ya kushambuliwa kwa njia ya mzingiro miji ya Huliaipole na Orikhiv.
Ukraine ambayo inakabiliwa na uhaba wa wanajeshi imeendelea kuimarisha safu yake ya ulinzi katika maeneo ya Donetsk dhidi ya mashambulizi makali ya droni na makombora kutoka Urusi.
Tangu mwishoni mwa mwezi Juni, vikosi vya Urusi vimekuwa vikiendeleza mashambulizi makali katika maeneo ya Dnipropetrovsk na Zaporizhzhia. Hadi sasa Urusi imesema inadhibiti karibu asilimia 75 ya Zaporizhzhia na karibu asilimia 19 ya Ukraine yote.