Matokeo ya utafiti mpya yanaonyesha kuwa asilimia 60 ya Kizazi kipya, Gen-Z nchini Marekani wanapendelea Harakati ya Mapambano ya Kiislamu ya Palestina “Hamas” kuliko utawala wa Kizayuni wa Israel katika vita vya Gaza.
Gazeti la Kizayuni la Haaretz limechapisha matokeo ya utafiti huo wa maoni wa hivi karibuni uliofanywa na Chuo Kikuu cha Harvard nchini Marekani. Utafiti huo ulionyesha kuwa asilimia 60 ya Gen Z nchini Marekani wanapendelea Hamas kuliko Israel.
Kura hiyo ya maoni ilichunguza maoni ya zaidi ya wapiga kura 2,000 wa Marekani na pia imeweka wazi mgawanyiko ulio wazi kati ya maoni ya watu na vyama kuhusu vita vya Gaza.
Kwa mujibu wa gazeti hilo, matokeo hayo yanadhihirisha mabadiliko ya wazi katika mitazamo ya vijana wa Marekani kuhusu Wapalestina na vita vya Gaza, yakionyesha nafasi ya Gen Z katika kuunda maoni ya umma ya siku zijazo nchini Marekani.
Wakati huo huo, gazeti la Israel la Yedioth Ahronoth pia limesema kuwa hisia za chuki dhidi ya Israel zinaendelea kuenea miongoni mwa wanafunzi wa shule na vyuo vikuu vya Marekani.
Gazeti hilo limeeleza kwamba hisia za kupinga utawala wa Israel zimekita mizizi katika sehemu kubwa ya vijana wa Marekani, na kwamba jambo hili haliishii kwenye mrengo wa kushoto, bali pia linajumuisha sehemu ya vijana wa Marekani wa mrengo wa kulia.