Karibu mwezi mmoja baada ya kuapishwa kuwa “rais wa mpito” wa Madagascar, Michael Randrianirina kwa mara ya kwanza amelihutubia taifa akiwa na shauku na hamasa kubwa na kutoa ahadi nyingi kwa wananchi.
Akizungumza katika hotuba iliyorikodiwa mapema, Kanali wa kijeshi Michael Randrianirina aliyeingia madarakani baada ya wiki kadhaa za mivutano na maandamano yaliyoongozwa na vijana, amesimulia mapambano ya wiki tatu yaliyobadilisha sura ya utawala ya kisiwa hicho kikubwa zaidi barani Afrika.
Randrianirina amepinga vikali madai kwamba kuanguka kwa mtangulizi wake, Andry Rajoelina, kulitokana na mapinduzi ya kijeshi, akisisitiza kwamba hakuna vurugu zilizotokea. Akijibu tuhuma za kulipiza kisasi kupitia hatua za mahakama dhidi ya utawala wa zamani, amesema: “Kufanya uchunguzi ni jambo ya haki, jambo hilo huwezi kusema ni kulipiza kisasi.” Ameapa kuwafuatilia kisheria wale wote waliopora rasilimali za nchi.
Akitangaza mpango wa maendeleo wa Madagasar “mpya,” Kanali Randrianirina ametangaza kuanza mchakato wa mashauriano ya kitaifa ili kujenga mfumo mpya wa utawala. Baada ya hapo ameahidi kuitisha kura ya maoni na hatimaye kuitisha uchaguzi wa rais kwenye kipindi cha miaka miwili. Pia ameahidi kuunda Bunge jipya la Vijana na mahali pazuri zaidi amesema bunge hilo litatokea maskulini.
Amma kuhusu suala la je atagombea urais baada ya kumalizika kipindi cha mpito cha miaka miwili, Kanali Randrianirina amesema kuwa uamuzi huo ni wa wananchi.
Mwishoni mwa hotuba yame wamewasihi wananchi wa Madagascar wawe na subira, akiwakumbusha kwamba safari ya kulijenga upya taifa ndio kwanza imeanza na “haiwezi kufanywa katika kipindi cha miezi miwili” na lazima juhudi za pamoja na za watu wote zifanyike kulifanikisha suala hilo.