Mkurugenzi mtendaji wa Global Fund, Peter Sands, amesema kwa ujumla, takriban dozi 1,000 zimewasilishwa nchini Eswatini na Zambia na zitaanza kutolewa wiki hii.
Marekani inapanga kupanua usambazaji wa chanjo hiyo ya Lenacapavir kwa kufanya kazi na kundi la kimataifa, Mfuko wa Kimataifa wa Kupambana na UKIMWI, Kifua Kikuu na Malaria, pamoja na kampuni ya dawa ya Sayansi ya Gileadi.
Juhudi za kusambaza tiba ya kuzuia VVU kupanuliwa kwengineko Afrika
Mwenyekiti na Mkurugenzi Mtendaji wa Gileadi Daniel O’Day, amesema juhudi zinaendelea ili kuidhinisha usambazaji wa dawa hiyo ya Lenacapavir katika nchi za Botswana, Kenya, Malawi, Rwanda, Namibia, Tanzania na Zimbabwe.
Pia ameongeza kuwa huu ni wakati muhimu sana katika historia ya VVU na mara ya kwanza kwa dawa kutolewa barani Afrika mwaka ambao imeidhinishwa Marekani.