Chanzo cha picha, AFP via Getty Images
Ukraine itapata
hadi ndege 100 za kivita za Rafale F4 za Ufaransa pamoja na mifumo ya ulinzi wa
anga ya hali ya juu katika makubaliano makubwa ya kuongeza uwezo wa Kyiv wa
kujilinda dhidi ya mashambulizi hatari ya Urusi.
Rais wa Ukraine Volodymyr
Zelensky alisifu hatua hiyo kama “ya kihistoria”, baada ya kusaini
barua ya nia hiyo na mwenzake wa Ufaransa Emmanuel Macron katika kambi ya anga
karibu na Paris.
Uwasilishaji wa ndege za Rafale F4 umepangwa kukamilika
ifikapo mwaka wa 2035, huku uzalishaji wa pamoja wa ndege zisizo na rubani za
kuzuia ndege za mashambulizi unaanza mwaka huu.
Maelezo ya kifedha bado hayajafanyiwa kazi,
lakini ripoti zinasema Ufaransa inapanga kuvutia ufadhili wa EU na pia kufikia
mali za Urusi zilizozuiliwa, hatua yenye utata ambayo imegawanya EU yenye nchi wanachama 27.
“Haya ni makubaliano ya kimkakati ambayo yatadumu kwa miaka 10 kuanzia mwaka ujao,” Zelensky alisema katika mkutano wa pamoja na Macron Jumatatu.
Ukraine pia itapata “rada kali sana za Ufaransa”, mifumo minane ya ulinzi wa anga na silaha nyingine za hali ya juu, aliongeza.
Zelensky alisisitiza kwamba kutumia mifumo kama hiyo ya hali ya juu “inamaanisha kulinda maisha ya mtu… hii ni muhimu sana”.
Unaweza kusoma;