Nini kimeibadilisha DRC? Safari ya kufuzu Kombe la Dunia

Jamhuri ya Kidemokrasia ya Congo iliendeleza azma yake ya kutaka kufuzu katika Kombe la Dunia la Fifa 2026 kwa kuifunga Nigeria 4-3 kupitia mikwaju ya penalti kufuatia sare ya 1-1 baada ya muda wa ziada katika mechi yaa mtoano .

Nahodha wa Leopards Chancel Mbemba alifunga mkwaju huo muhimu wa penalti baada ya kipa wa akiba Timothy Fayulu – aliyeingia uwanjani kuokoa penalti ya beki wa Super Eagles, Semi Ajayi katika raundi ya sita ya mikwaju ya penalti.

Ushindi huo unawasukuma Wakongo hao mbele hadi katika mechi ya mwisho ya kufuzu baina ya mabara ambayo itakayofanyika Machi ijayo mwaka ujao.

Aidha timu hiyo itajiunga na Bolivia na New Caledonia katika mchuano wa timu sita kati ya mashirikisho ambayo yatatoa timu mbili za mwisho kufuzu kwa Kombe la Dunia mwaka ujao.

Hatua hiyo sasa unaiondoa Nigeria katika toleo la pili la Kombe la Dunia baada ya kufanya vibaya katika michuano ya Rabat.

Kocha raia wa Ufaransa Sebastien Desabre, ambaye, tangu achukue mikoba katika timu hiyo mwaka wa 2022, ameisaidia kuipeleka mara tatu hadi nusu fainali ya AFCON ni mojawapo ya nguzo imara ya Chui hao wa Afrika ya kati.

Desabre, mwenye uzoefu mkubwa katika soka la Afrika, kwa muda mrefu alikubali kubeba uzito wa kihistoria uliokuwa mbele yake alipoichukua timu hiyo, akielezea ari yake ya kutaka kuirejesha timu hiyo katika kilele cha mchezo wa bara.

“Nimepewa msaada wote, ili kujenga kikosi kipya,” aliiambia ESPN wakati wa Kombe la Mataifa mwaka jana. “Kandanda iko imara nchini DRC , na nchi hii inastahili nyota wengi kuvalia jezi yake.

“Imekuwa muda mrefu tangu tulipopata ushindi mkubwa, lakini huu ni mradi mpya, na tunajua tuna wakati,” aliongeza. “Ninachotangaza ni kwamba tututarajie matokeo mazuri kuanzia mwisho 2025.”

Anaonekana kuwa katika mchakato bora, kufuatia hatua ya timu yake kumaliza katika nafasi ya nne bila kutarajiwa katika Kombe la Mataifa ya Afrika mwaka jana, kabla ya kufuzu kwa AFCON mwaka huu kwa kuongoza kundi lao la kufuzu.

Mfaransa huyo, akiungwa mkono na mkurugenzi wa ufundi wa nchi hiyo, beki wa zamani wa kimataifa Gabriel Zakuani, amejihusisha kwa kiasi kikubwa na wachezaji waliopo Ulaya ili kuisaidia Leopards. Walipocheza dhidi ya timu ya Cameroon, ni mchezaji mmoja tu ambaye hakuzaliwa katika taifa la Ulaya au kuwakilishwa katika ngazi ya vijana.

Aaron Wan-Bissaka na Axel Tuanzebe wote wamejumuishwa kwenye kikosi hicho baada ya kuichezea Uingereza katika ngazi ya vijana, Charles Pickel alizaliwa Uswizi, huku wachezaji watatu waliosalia wakizaliwa ni Ubelgiji na wengine walilelewa Ufaransa.

Mbali na watu binafsi, Desabre ameboresha nidhamu ya timu ya taifa, na kuifanya Leopards kuwa na umoja na mshikamano, huku akiimarisha safu ya ushambuliaji ambayo imekuwa na sifa za timu kubwa za Kongo miaka ya nyuma.

Kufuatia ushindi huo DRC sasa inasonga mbele katika mchuano wa timu kutoka mabara tofauti au Inter Confederation utakaofanyika mwezi Machi 2026.

Mchuano huo utashirikisha timu sita ambapo ni timu mbili pekee zitakazojipatia tiketi ya kushiriki katika kombe la duniani la 2026.

Ni timu gani zilizofuzu katika mchuano huo wa Ki – mabara?

Katika bara la Afrika DR Congo ambayo ilifuzu baada ya kuishinda Nigeria itawakilisha bara la Afrika. Barani Asia Iraq au UAE huenda zikafuzu katika mchunao huo mdogo, ilhali Bolivia imefuzu na itawakilisha Amerika ya Kusini katika mchuno huo.

Oceania nayo itawakilishwa na New Caledonia ambayo pia imefuzu.

Aidha Shirikisho la CONCACAF litashirikishwa na timu mbili bora katika shirikisho hilo.

Ikiwa DR Congo itapatiwa mpinzani au la, itategemea orodha yao ya FIFA ikilinganishwa na timu nyengine.

Ikiwa wataorodheshwa katika timu mbili bora, basi watacheza mechi yao ya kwanza katika nafasi ya nusu fainali; la sivyo, watahitaji kushinda mechi mbili (nusu + fainali) ili kufuzu.

DR Congo dhidi ya Bolivia (CONMEBOL): Bolivia inaweza kuwa mpinzani mgumu, kulingana na mienendo ya mechi, lakini hakuna kisichowezekana.

Dhidi ya Iraq / UAE (Asia): Hii ndio inaonekana inaweza kuwa mechi nzuri zaidi, kulingana na ni timu gani inafuzu na kiwango chao cha mchezo uwanjani.

Dhidi ya New Caledonia (Oceania): Hii inaonekana kuwa mechi rahisi dhidi ya Wakongo hao ingawa katika mechi kama hizi chochote kinaweza kutokea.

Dhidi ya moja ya timu za CONCACAF: Hii ndio inaweza kuwa mechi yenye changamoto zaidi kwa DRC. Hatahivyo itategema ni timu gani inafuzu na kiwango chake cha mchezo.