Wajumbe 13 walipiga kura hiyo mjini New York kuunga mkono pendekezo hilo la Marekani, ambalo pia litawezesha kuundwa kwa kikosi cha kimataifa kusaidia kuleta utulivu katika eneo hilo.
Urusi na China hazikushiriki kura hiyo.
Fu Cong mwakilishi wa kudumu wa China katika Umoja wa Mataifa amesema azimio hilo halieleweki katika vipengele vingi muhimu.
Trump awapongeza waliopitisha azimo la mpango wake kwa Gaza
Katika ujumbe kupitia mtandao wake wa Truth Social, Trump amepongeza hatua ya kuidhinishwa kwa azimio hilo na kuitaja kuwa mafanikio ya kihistoria na akawapongeza wale walioliunga mkono.
Hamas imelipinga azimio hilo na kusema halikidhi matakwa ya kisiasa na ya kibinadamu ya Wapalestina.
Kwenye ujumbe katika mtandao wa Telegram, kundi hilo limesema azimio hilo linaweka utaratibu wa ulinzi wa kimataifa katika Ukanda wa Gaza, usiokubalika na wakazi wa eneo hilo.