#HABARI: Katibu wa NEC-Itikadi, Uenezi na Mafunzo Ndg. Kenani Laban Kihongosi, leo Novemba 19, 2025 akizungumza na waandishi wa habari amesema; “ Wajibu wa Chama Wajibu wa Chama Cha Mapinduzi ni kwenda kuisimamia Serikali na sio Serikali kwenda kukisimamia Chama, chama ambacho kimetafuta kura, chama ambacho kimeunda Serikali, sasa tunakwenda kuisimamia kikamilifu.”
Mwenezi Kenani ameyasema hayo akiwataka wateuliwa wote (Mawaziri na Manaibu Waziri) waende wakawajibike kwani Chama hakitosita kumchukulia kiongozi yeyote wa Serikali, iwe mchaguliwa ama mteuliwa atakayekwenda kufanya kazi kwa maslahi yake binafsi.
Aidha, Mwenezi Kenani amewataka viongozi wote wa Serikali ikiwemo wa Mikoa na Wilaya waende kufanya kazi kuhakikisha matarajio na maono ya Mheshimiwa Rais Ndg. Samia Suluhu Hassan yanakwenda kukamilika, hivyo Chama hakitosita kuwachukulia hatua viongozi wavivu, wazembe na watakaoendekeza tamaa za rushwa.