Serikali ya Tanzania inatarajia kupokea zaidi ya Dola milioni 500 kutoka Mfuko wa Dunia (Global Fund) kwa ajili ya utekelezaji wa afua za UKIMWI, Kifua Kikuu, Malaria na uimarishaji wa mifumo ya afya katika mzunguko wa saba wa 2024–2026.
Hayo yamebainishwa Novemba 21, 2025 jijini Dar es Salaam na Katibu Mkuu wa Wizara ya Afya, Dkt. Seif Shekalaghe, wakati wa kikao kazi na ujumbe wa Global Fund kutoka Geneva kilichofanyika katika ofisi ndogo za wizara.
Dkt. Shekalaghe pia amesema Serikali imeahidi kuchangia Dola za Marekani Milioni moja katika mzunguko wa nane utakaotekelezwa kuanzia Januari 2027, hatua inayolenga kupunguza utegemezi na kuimarisha ushiriki wa Serikali kwenye mapambano dhidi ya magonjwa hayo.
Kwa mujibu wa Katibu Mkuu huyo, Serikali na Global Fund tayari wamekubaliana kuendelea kushirikiana katika mzunguko wa 2027–2029 ili kuongeza kasi ya utekelezaji wa afua za afya katika jamii na kuimarisha mifumo ya afya nchini.
✍ Mwandishi Wetu
Mhariri @claud_jm
#AzamTVUpdates