#HABARI: Polisi Mkoa wa Morogoro wanamtafuta dereva wa basi la ABC, Mussa Omary Mbaga, baada ya kutoroka kutokana na ajali iliyotokea usiku wa Novemba 23, 2025 katika eneo la Ng’apa, Mikumi, na kusababisha vifo vya watu watatu.
Kamanda wa Polisi Mkoa wa Morogoro SACP Alex Mkama alisema uchunguzi wa awali unaonyesha dereva huyo alikuwa akiendesha kwa mwendo wa hatari na kupita magari mengine yaliyokuwa mbele kwenye kona kali bila tahadhari.
“Hatua hii ilisababisha kugongana na basi la Kelvan International lililokuwa linatoka uelekeo wa Morogoro kuelekea Songea mkoani Ruvuma,” alisema Kamanda Mkama.
Akasema majeruhi watano wa ajali hiyo wanaendelea kupatiwa matibabu katika hospitali ya St. Kizito Mikumi.
Kamanda huyo wa Polisi akatoa wito kwa wananchi kutoa taarifa zitakazosaidia kukamatwa kwa dereva huyo huku akiwaasa madereva kuzingatia sheria,kanuni na taratibu za usalama barabarani wakati wakiendesha.
Powered by #MCHEZOSUPA
JINSI YA KUSHIRIKI MCHEZO SUPA:
–
Tuma 1000 kupitia Airtel Money, Tigo Pesa, M – Pesa, Halopesa, kwenda namba ya kampuni 222223 kumbukumbu namba ni 777 au weka neno ITV.
#ITVDigital #ITVUpdates #ITVTanzania
#Follow @itvtz @radioonetanzania
@capitaldigitaltanzania.
