Dar es Salaam. Kampuni ya Bia ya Serengeti (SBL) imewasilisha Ripoti yake ya tano ya Uendelevu, hatua muhimu inayoonyesha dhamira yake ya kuendeleza biashara bunifu, jumuishi na yenye tija kwa jamii.
Ripoti ya 2025 inayobeba kaulimbiu “Mustakabali Endelevu katika Kila Nyanja” inaweka wazi kwamba kwa SBL, ukuaji wa biashara hauwezi kutenganishwa na uwajibikaji kwa mazingira, jamii na uchumi.
Kilichowahi kuwa mipango midogo katika maeneo kadhaa sasa kimekua mkakati wa kitaifa unaogusa maisha ya maelfu ya Watanzania kupitia kilimo, ajira, usambazaji, ushirikiano wa kijamii na ubunifu katika viwango vya kimataifa.
Kutolewa kwa ripoti hizi kwa miaka mitano mfululizo kunadhihirisha misingi ya kampuni kwamba matokeo chanya ni sehemu ya utamaduni wake wa biashara si tukio la hiari.
Kwa kutumia mtazamo mpana wa uendelevu, SBL inahakikisha kuwa kila hatua, ndogo ama kubwa, inachangia kuboresha ustawi wa jamii, kulinda mazingira na kuimarisha uchumi wa taifa.
Ripoti hii ya tano inatoa kumbukumbu ya maendeleo, changamoto, mafanikio na suluhu za SBL katika kusimamia mnyororo mzima wa thamani.
Uendelevu katika mnyororo wa thamani
Dira ya uendelevu ya SBL inatekelezwa kupitia mkakati wa Nguvu ya Maendeleo unaojikita katika nguzo tatu ambazo ni kuhamasisha unywaji bora, ushirikishwaji pamoja na matumizi endelevu ya nafaka ambayo ndicho kiini cha ripoti ya mwaka huu.
Mkakati huu unatekelezwa katika kila hatua ya mnyororo wa thamani tangu utafutaji na uzalishaji wa malighafi za kilimo, usindikaji wa bidhaa, ujenzi wa mifumo ya usafirishaji, hadi matumizi ya mwisho.
Mkurugenzi wa Mahusiano wa SBL, John Wanyancha, anasisitiza kuwa lengo ni moja: kujenga thamani halisi inayoweza kupimika kwa jamii na taifa.
“Juhudi zetu za uendelevu ni sehemu ya namna tunavyofanya kazi kila siku. Kuanzia upatikanaji wa nafaka hadi bidhaa zinazofika kwa watumiaji, kila hatua imebuniwa ili kutoa manufaa kwa jamii, mazingira na uchumi.”
Kupitia nguzo zake, SBL imeendelea kuleta matokeo halisi. Katika mwaka wa fedha 2025 pekee zaidi ya watu 50,000 wamefikiwa na kampeni za unywaji bora, takribani 200 wamepata mafunzo ya ukarimu kupitia programu ya Learning for Life, asilimia 45 ya washiriki wengi wao wakiwa wanawake wamepata ajira katika sekta za utalii na ukarimu.
Kubadilisha maisha ya jamii na wakulima
Katika mchango wake kwa ustawi wa jamii, SBL mwaka huu tayari imetekeleza miradi miwili mikubwa ya maji katika Wilaya ya Kondoa, Dodoma. Miradi hii imewezesha zaidi ya kaya kadhaa kupata maji safi na salama, kuboresha afya, kuongeza uzalishaji wa kilimo na kupunguza muda unaopotea kutafuta maji.
Katika sekta ya kilimo, SBL inafanya kazi na wakulima zaidi ya 600 kuwajengea uwezo wa kutumia mbinu za kisasa zinazolinda udongo, kuhifadhi maji na kulinda mazingira kwa ujumla. Kupitia mafunzo ya vitendo, ushauri wa kitaalamu na upatikanaji wa masoko ya uhakika, wakulima hao sasa wanaendesha kilimo chenye tija na chenye kudumu.
Wanyacha anasema ifikapo 2030, kampuni inalenga kuwafikia wakulima zaidi ya 4,000 kupitia mpango wake wa muda mrefu uliopewa jina “Shamba ni Mali”, uliosainiwa Julai 2025.
“Wakulima wetu ni washirika muhimu katika kujenga mustakabali endelevu. Kuwekeza katika maarifa yao leo kunajenga jamii zenye uthabiti na mnyororo endelevu wa thamani.” Anasema Wanyacha.
Uvumbuzi unaongeza ufanisi katika uzalishaji na utunzaji wa mazingira
Uvumbuzi unaoweka msukumo wa kusonga mbele katika mpango endelevu wa SBL. Mifumo ya kisasa ya kutibu maji, kuchakata na kutumia tena maji yaliyotumika kwenye uzalishaji, kunasaidia kupunguza matumizi yake na hivyo kusaidia upatikanaji wa rasilimali hiyo kwa ajili ya jamii.
Mpango ya kisasa wa ufungashaji wa bidhaa, umepunguza uzalishaji taka kwa kuhamasisha kurudia utumiaji na mzunguko wa uchumi. Ushirikiano katika usafirishaji umeboresha mitandao ya ufikishaji wa bidhaa kwa kutumia malori makubwa na matumizi ya njia za kidijitali ambao umepunguza matumizi ya mafuta na kuongeza ufanisi.
Uvumbuzi huu unaonyesha kwamba uwajibikaji wa kimazingira na utendaji bora unategemeana. Kila maendeleo, yawe ya kiteknolojia au kiutendaji yanaleta faida zinazoweza kupimika huku yakiboresha uwezo wa kampuni katika kutoa bidhaa bora kwa njia endelevu.
Mtazamo wa kampuni kuhusu ufanisi na usimamizi wa mazingira unahakikisha kwamba maendeleo ya SBL ni makubwa na yanaweza kuigwa katika sekta nzima.
Wito kwa sekta binafsi
Safari ya SBL inatuma ujumbe kwa sekta binafsi nchini kote. Uendelevu ni jukumu la pamoja ambalo linahitaji ujumuishaji wa kimkakati katika shughuli za biashara.
Kampuni inawahimiza wazalishaji wengine kuzingatia uwazi, ushirikiano na viwango endelevu vya IFRS kupitia programu za kusaidia jamii ili kuongeza suluhu kwa vitendo.
Jambo muhimu ni ujumuishaji, Juhudi za uendelevu lazima zizingatie wanawake, vijana na makundi maalumu, kwani ushirikiano wao unachochea ubunifu na kuhakikisha kwamba kila jamii inanufaika na faida inapatikana.
“Tubadilishe fikra zetu kutoka katika kuwaza kutengeneza faida ya muda mfupi hadi ustawi wa muda mrefu. Ikiwa tutachukulia uendelevu kama injini ya ukuaji, sekta binafsi haitalinda tu mustakabali wake, lakini pia itakuwa kichocheo maendeleo ya Afrika,” alisisitiza Wanyancha.
Kila nyanja ina thamani
Ripoti ya uendelevu ya mwaka 2025 inaonyesha kuwa kila nyanja ni muhimu. Kuanzia miradi ya maji wilayani Kondoa hadi kilimo cha kisasa na ubunifu, kila mpango unaonyesha dhamira ya SBL katika kutengeneza mustakabali endelevu katika mnyororo wake wa thamani.
Kwa kutumia mbinu ya uwajibikaji, kuwekeza katika ushirikiano na wakulima na jamii na kuendeleza ubunifu katika uzalishaji, SBL inaonyesha kwamba uendelevu ni mabadiliko, kuboresha maisha, kulinda mazingira na kusaidia ustawi wa kiuchumi wa Tanzania.
“Mustakabali Endelevu katika Kila Nyanja” ni zaidi ya kaulimbiu. Ni kanuni elekezi, inayochochea kila uamuzi, mradi na ushirikiano ndani ya Kampuni ya Bia ya Serengeti.