Watumiaji wa mtandao wa kijamii wa “X” wamesisitiza kuwa lengo la Marekani katika kuchagua chaguo la kijeshi kuhusu Venezuela ni kufanya uporaji katika nchi hiyo ya Amerika Kusini.
Rais wa Marekani Donald Trump kwa mara nyingine ameonyesha kupendelea chaguo la kijeshi, akidai kupambana na magenge ya madawa ya kulevya katika Amerika ya Kusini, na anaona kuwa ni chombo cha kuendeleza malengo ya kisiasa ya Washington, hasa dhidi ya serikali ya wananchi ya Nicolas Maduro nchini Venezuela.
Wakati anachukua hatua kama hizi kama kutetea usalama wa taifa, wachambuzi wanaonya kwamba uingiliaji kati kama huo unaweza kusababisha kurudiwa kwa maafa huko Afghanistan na Iraq na kugeuza sera ya Trump ya “Marekani Kwanza” kuwa mkanganyiko wa wazi. Kulingana na Pars Today, watumiaji kwenye mtandao wa kijamii wa “X” wamezingatia hatua za Washington dhidi ya Caracas kuwa zinalenga kupora rasilimali za Venezuela.
Kuhusiana na hili, mtumiaji anayeitwa “Angelo Bruno” aliandika: “CIA inapanga kumpindua Rais Maduro wa Venezuela kupitia mapinduzi kwa sababu wanahitaji sana malighafi ambayo tunayo sasa.”
Mwanaharakati mwingine wa X, Edvin Bajrektarevic, alisema: “Marekani na Rais Trump mwenyewe wameidhinisha shirika la kijasusi la Marekani, linalojulikana kwa jina la CIA, kufanya operesheni za siri katika ardhi ya Venezuela kwa kisingizio cha uongo, na hii ina maana kwamba Washington itatangaza vita dhidi ya Venezuela, jambo ambalo litazidisha mivutano.”
Mtumiaji mwingi wa X anayejiita “Mind” ameashiria mashambulizi ya jeshi la Marekani dhidi ya meli na boti kadhaa za Venezuela katika Bahari ya Karibiani: “Trump ni muuaji anayezunguka katika Karibiani na wakati huu amefanya mahali pake pa kukimbilia. Kutoka Afghanistan hadi Venezuela, Marekani daima imekuwa ikiingilia masuala ya ndani ya nchi.”
Morgen pia anaamini kuwa Marekani inaimarisha jeshi lake katika eneo hilo kwa kuchukua hatua dhidi ya Venezuela na kuleta hali ya wasiwasi katika visiwa vya Caribbean.
Mtumiaji mwingine wa X, “Steve”, amesema, Marekani inapaswa kutambulishwa namna hii: “Marekani inaendeleza mtekelezaji mauaji ya kimbari ya Israel huko Gaza. Marekani inajaribu kuanzisha vita na Venezuela. Marekani imetangaza vita dhidi ya raia wake.”
Mtumiaji mwingine, Fernando Papirio, pia ameashiria ahadi iliyotolewa kwa Marekani na mshindi wa Tuzo ya Amani ya Nobel Maria Corina Machado. Aliandika: “Katika mazungumzo na mwana wa Donald Trump, Machado alituma ujumbe kwa njia isiyo ya moja kwa moja kwa Merika kwamba ikiwa itasaidia kumwondoa Nicolas Maduro, inaweza kufikia rasilimali kubwa ya asili ya Venezuela.”
“Na hiyo inamaanisha kusalimisha rasilimali za nchi ili kubadilishana na mamlaka. Kuuza rasilimali muhimu zaidi ya Venezuela kwa Trump kutafidia hisani ya Trump ya kumpindua Maduro.”
Na hatimaye, Christian Seher aliandika: “Suala la kuipa CIA kibali cha kufanya operesheni za siri nchini Venezuela si geni. Kwa miaka mingi, Marekani imekuwa ikituma majasusi wake duniani kote ili kuvuruga usalama wa nchi mbalimbali. Washington hivi sasa imeweka tu hadharani jambo hili ili kuzusha hofu ya kisaikolojia miongoni mwa watu wa Venezuela.”