Tume Kuu ya Uchaguzi ya Libya (HNEC) imetangaza kuanza kwa uchaguzi wa serikali za mitaa katika manispaa 16 nchini kote. Uchaguzi huo ulipaswa kufanyika mwezi Agosti.
Katika taarifa, tume hiyo imesema upigaji kura ulianza Jumamosi asubuhi katika manispaa 16 zilizojumuishwa katika awamu ya tatu ya uchaguzi, na kwamba kuendelea hadi saa 12 jioni kwa saa za nchi hiyo.
Kwa mujibu wa tume hiyo, wapiga kura waliojiandikisha wapatao 96,000 wametimiza vigezo vya kupiga kura katika vituo 142, zikiwemo stesheni 341, kuchagua wagombea 743 kwa kutumia mfumo mseto unaojumuisha orodha na wagombea binafsi.
Kufikia saa mbili usiku kwa saa za ndani, jumla ya wapiga kura 26,311 walikuwa wamepiga kura zao, ikiwakilisha mwito wa awali wa karibu 30%, tume hiyo iliripoti. Mnamo Novemba 16, 2024, tume hiyo ilikamilisha awamu ya kwanza ya uchaguzi wa manispaa iliyojumuisha manispaa 58 kati ya 143.
Awamu ya pili ilifanyika Agosti 16 na 23, ikijumuisha manispaa 33 kati ya 49 zilizokusudiwa, lakini uchaguzi katika manispaa 16 uliahirishwa kwa sababu za usalama. Haya sasa yameingizwa katika awamu ya tatu, iliyoanza jana Jumamosi.
Mwezi uliopita, mapigano makali yalizuka upya katika eneo la Janzour, yapata kilomita 12 magharibi mwa mji mkuu wa Libya, Tripoli, kati ya makundi hasimu yenye silaha ambayo yako chini ya Serikali ya Umoja wa Kitaifa (GNU) ya Waziri Mkuu Abdul Hamid Dbeibah.