Rais wa Urusi Vladimir Putin amesema siku ya Alhamisi, Oktoba 23, kwamba vikwazo vilivyowekwa dhidi ya Urusi na Marekani ni “vikubwa” lakini havitakuwa na “athari kubwa” katika uchumi wa nchi. Pia ametaka kuendelea kwa “mazungumzo” baada ya Donald Trump kufuta mkutano wao uliopangwa huko Budapest.
Imechapishwa:
Dakika 1 Wakati wa kusoma
Matangazo ya kibiashara
Rais wa Urusi Vladimir Putin amesema vikwazo vilivyopitishwa siku iliyopita na Washington ni “vikubwa na vinaweza kuwa na athari fulani, lakini havitakuwa na athari kubwa kwa uchumi wetu,” amesema, kama akinukuliwa na mashirika ya habari ya Urusi. Amebainisha kwamba vikwazo hivi ni “jaribio la kutoa shinikizo.” “Lakini hakuna nchi au watu wanaojiheshimu wanaofanya uamuzi kama huu,” ameongeza, akihakikisha kwamba sekta ya mafuta ya Urusi iko “imiara na itafikia ahadi zake.”
“Kwa vitendo kama hivyo, utawala wa Marekani unaharibu uhusiano wa Urusi na Marekani” , amesema Rais wa Urusi Vladimir Putin.
Vikwazo hivi vinahusisha kuzuiwa kwa mali zote za Rosneft na Lukoil nchini Marekani, pamoja na marufuku kwa makampuni yote ya Marekani kufanya biashara nazo. Rosneft, ambapo serikali ya Urusi ndiyo mbia mkuu, inadai kuzalisha takriban 40% ya mafuta ya Urusi. Kwa upande wake, Lukoil, kampuni binafsi, inadai kuzalisha takriban 15% ya uzalishaji wa mafuta ya Urusi.
Rais wa Ufaransa Emmanuel Macron anakaribisha vikwazo vilivyopitishwa na Marekani dhidi ya makampuni mawili makubwa ya mafuta ya Urusi. Kulingana na rais wa Ufaransa, uamuzi huu utaathiri vibaya chombo cha vita ya Urusi.
Nadhani kilichotokea hivi punde ni hatua ya mabadiliko. Marekani imeamua kuweka vikwazo vikubwa kwa dhidi ya makampuni mawili makubwa katika mauzo ya nje ya mafuta ya Urusi.
“Kampuni zote mbili pia huzalisha gesi. Ni nguzo za mapato ya hidrokaboni ambayo huruhusu serikali ya Urusi kufadhili juhudi zake za vita dhidi ya Ukraine”, ameongeza rais wa Emmanuel Macron.