Mlipuko mpya wa Ebola umetangazwa na mamlaka ya afya nchini Jamhuri ya Kidemokrasia ya Kongo. Kulingana na Wizara ya Afya, takriban vifo kumi na sita vimeripotiwa tangu mwisho wa mwezi Agosti. Mlipuko huu mpya unaathiri mkoa wa Kasai, katikati mwa nchi.
Imechapishwa:
Dakika 1 Wakati wa kusoma
Matangazo ya kibiashara
Nchini Jamhuri ya Kidemokrasia ya Kongo (DRC), kisa cha kwanza cha Ebola kilitokea Agosti 20. Ugonjwa huo uligunduliwa kwa mwanamke mjamzito ambaye aliingizwa katika Hospitali Kuu ya Boulapé huko Kasai akiwa na dalili za kutisha: homa kali, kutapika, udhaifu mkubwa, na kuvuja damu.
Siku ya Jumatano, Septemba 3, sampuli tano zilithibitisha uwepo wa virusi. Tangu wakati huo, kesi zingine ishirini na nane zimerekodiwa katika mkoa huu. Hivi sasa, kiwango cha vifo kinakadiriwa kuwa zaidi ya 50%. Wahudumu wanne wa afya katika Hospitali Kuu ya Boulapé ni miongoni mwa waliofariki.