Liverpool wanamtazama Michael Olise wa Bayern Munich mwenye umri wa miaka 23 kama mbadala wa Mohamed Salah wa Misri mwenye umri wa miaka 33, na wako tayari kutumia fedha nyingi kumsajili mshambuliaji huyo wa Ufaransa. (Fichajes)
Arsenal wameingia kwenye mbio za kumnasa Karim Adeyemi wa Borussia Dortmund, mwenye umri wa miaka 23, huku Manchester United pia wakionesha nia ya kumsajili mshambuliaji huyo wa Ujerumani. (Teamtalk)
AZ Alkmaar wako tayari kumruhusu kiungo wao Kees Smit, raia wa Uholanzi mwenye umri wa miaka 19, kuondoka, lakini wanataka zaidi ya pauni milioni 22. Newcastle, Real Madrid, Barcelona na Bayern Munich zote wanamnyemelea. (Sky Sports)
Paris Saint-Germain wanapanga kumsajili mshambuliaji wa Brazil, Vinicius Jr, kama mchezaji huru mwaka 2027 pale mkataba wake wa Real Madrid utakapoisha. Mchezaji huyo kwa sasa ana umri wa miaka 25. (Fichajes)
Chanzo cha picha, Getty Images
Mshambuliaji wa Arsenal na Brazil, Gabriel Jesus, mwenye umri wa miaka 28, ametaja nia yake ya kurejea katika klabu yake ya zamani, Palmeiras, siku za usoni. (Mirror)
Newcastle wanataka kumsajili kipa James Trafford mwenye umri wa miaka 23 mwezi Januari, wakati ambapo mchezaji huyo wa Uingereza anakaa benchi katika Manchester City. (Teamtalk)
Liverpool na Juventus wanavutiwa na mshambuliaji wa Bayern Munich na Ujerumani, Serge Gnabry, mwenye umri wa miaka 30, ambaye mkataba wake unaisha mwishoni mwa msimu huu. (Bild)
Manchester City, Liverpool na Tottenham wanamfuatilia mshambuliaji wa Bournemouth na Ghana, Antoine Semenyo, mwenye umri wa miaka 25, kwa lengo la kumsajili katika dirisha la usajili la Januari. (Sky Sports)
Chanzo cha picha, Getty Images
Liverpool pia wanamnyemelea beki wa Bayern Munich na Ufaransa, Dayot Upamecano mwenye umri wa miaka 27, ambaye anatarajiwa kupatikana kama mchezaji huru msimu ujao wa kiangazi. (Metro)
Beki wa Newcastle na Uswizi, Fabian Schar mwenye umri wa miaka 33, anavivutia vilabu vya Bundesliga huku mkataba wake ukitarajiwa kumalizika msimu ujao. (Florian Plettenberg)
Juventus wanamfikiria kiungo wa Lille, Ayyoub Bouaddi, Mfaransa mwenye umri wa miaka 18, lakini wanaweza kukatishwa tamaa na ada ya usajili ya pauni milioni 35. (Corriere dello Sport)
Leicester City wanatafuta mkurugenzi mpya wa ufundi atakayesimamia usajili na idara ya utafutaji wachezaji wakati wakiboresha upya mfumo wao wa uendeshaji wa soka. (Telegraph)