Rais Samia atangaza baraza jipya la mawaziri, Wanu, Makonda ndani

Rais wa Tanzania, Samia Suluhu Hassan, ametangaza baraza jipya la mawaziri lenye jumla ya mawaziri 27 katika mabadiliko makubwa ya uongozi wa serikali, hatua inayochukuliwa kama sehemu ya kurekebisha utendaji na kuongeza ufanisi ndani ya serikali ya awamu ya sita.

Akizungumza katika Ikulu ya Chamwino jijini Dodoma, Rais Samia amesema mabadiliko hayo yanahusisha kuanzishwa kwa wizara mpya, kubadilishwa kwa baadhi ya wizara za zamani na kuingizwa kwa sura mpya serikalini.

Miongoni mwa walioteuliwa kwa mara ya kwanza ni Wanu Ameir, ambaye ni Naibu Waziri mpya wa Elimu, Sayansi na Teknolojia, na Paul Makonda, Mbunge wa Arusha Mjini, aliyechaguliwa kuwa mmoja wa manaibu mawaziri katika Wizara ya Habari, Sanaa, Utamaduni na Michezo.

Rais Samia pia amewarejesha mawaziri kadhaa waliokuwa serikalini akiwemo Profesa Adolph Mkenda, Jumaa Aweso, Profesa Makame Mbarawa na Profesa Paramagamba Kabudi. Hata hivyo, baadhi ya mawaziri maarufu kama Hussein Bashe, aliyekuwa akiongoza Wizara ya Kilimo, hawakurejea katika baraza jipya.

Dotto Biteko, aliyekuwa Naibu Waziri Mkuu ameachwa kama ilivyo kwa Waziri wa muda mrefu Jenista Mhagama na Pindi Chana.

Pia Innocent Bashungwa, aliyekuwa Waziri wa Mambo ya ndani ya nchi , ambaye aliongoza vyombo vya ulinzi vinavyolalamikiwa kwa ukiukaji wa haki za binadamu, ingawa vyenyewe vinakanusha naye ameachwa katika baraza la sasa.

Katika mabadiliko hayo, Rais Samia ametangaza kuanzishwa kwa Wizara ya Maendeleo ya Vijana chini ya Ofisi ya Rais, huku Wizara ya Kazi, Ajira na Maendeleo ya Vijana ikibadilishwa kuwa Wizara ya Kazi, Ajira na Mahusiano, ambayo sasa itakuwa chini ya Ofisi ya Waziri Mkuu.

Aidha, Tawala za Mikoa na Serikali za Mitaa (TAMISEMI), ambayo kwa miaka mingi imekuwa chini ya Ofisi ya Rais, sasa imehamishiwa rasmi Ofisi ya Waziri Mkuu.

Ofisi ya Rais – Utumishi wa Umma na Utawala Bora

Waziri: Ridhiwani Kikwete

Naibu Waziri: Regina Ndege Qwaray

Ofisi ya Rais – Mipango na Uwekezaji

Waziri: Profesa Kitila Mkumbo

Naibu Waziri: Pius Chaya

Ofisi ya Rais – Maendeleo ya Vijana

Waziri: Joel Nanauka

Ofisi ya Makamu wa Rais – Muungano na Mazingira

Waziri: Mhandisi Hamad Masauni

Naibu Waziri: Dkt Festo John Dugange

Ofisi ya Waziri Mkuu – Sera, Bunge, Uratibu na Wenye Ulemavu

Waziri: William Lukuvi

Naibu Waziri: Ummy Hamisi Nderiananga

Wizara ya Kazi, Ajira na Mahusiano

Waziri: Deus Clement Sangu

Naibu Waziri: Rahma Riyadh Kisuo

Ofisi ya Waziri Mkuu – TAMISEMI

Waziri: Profesa Riziki Silas Shemdoe

Manaibu Mawaziri:

Kwagilwa Reuben Nhamanilo – Elimu

Jafary Rajab Seif – Afya

Wizara ya Fedha

Waziri: Balozi Hamis Musa Omary

Naibu Waziri: Mshamu Munde

Wizara ya Mambo ya Nje na Ushirikiano wa Afrika Mashariki

Waziri: Mahmud Thabit Kombo

Manaibu Mawaziri:

Dkt Ng’waru Jumanne Maghembe

James Kinyasi Ole Millya

Wizara ya Mambo ya Ndani ya Nchi

Waziri: Boniface Simbachawene

Naibu Waziri: Denis Lazaro Londo

Wizara ya Kilimo

Waziri: Daniel Chongolo

Naibu Waziri: David Silinde

Wizara ya Maji

Waziri: Jumaa Aweso

Naibu Waziri: Kundo Mathew

Wizara ya Ulinzi na Jeshi la Kujenga Taifa

Waziri: Rhimo Nyansaho

Wizara ya Ujenzi

Waziri: Abdallah Ulega

Naibu Waziri: Godfrey Msonge Kasekenya

Wizara ya Uchukuzi

Waziri: Profesa Makame Mbarawa

Naibu Waziri: David Mwakiposa Kihenzile

Wizara ya Viwanda na Biashara

Waziri: Judith Kapinga

Naibu Waziri: Patrobas Katambi

Wizara ya Mawasiliano na Teknolojia ya Habari

Waziri: Angela Kairuki

Naibu Waziri: Dkt Switbert Zacharia Mkama

Wizara ya Maendeleo ya Jamii, Jinsia, Wanawake na Makundi Maalum

Waziri: Dorothy Gwajima

Naibu Waziri: Maryprisca Winfred Mahundi

Wizara ya Afya

Waziri: Mohamed Mchengerwa

Naibu Waziri: Dkt Florence George Samizi

Wizara ya Elimu, Sayansi na Teknolojia

Waziri: Profesa Adolph Mkenda

Naibu Waziri: Wanu Ameir

Wizara ya Ardhi, Nyumba na Maendeleo ya Makazi

Waziri: Dkt Leonard Douglas Akwilapo

Naibu Waziri: Kaspar Mmuya

Wizara ya Maliasili na Utalii

Waziri: Ashetu Kijaji

Naibu Waziri: Hamad Hasan Chande

Wizara ya Habari, Sanaa, Utamaduni na Michezo

Waziri: Profesa Paramagamba Kabudi

Manaibu Mawaziri:

Hamis Mwinjuma

Paul Makonda

Wizara ya Mifugo na Uvuvi

Waziri: Balozi Bashiru Kakulwa

Naibu Waziri: Ngwasi Damasi Kamani

Wizara ya Madini

Waziri: Antony Mavunde

Naibu Waziri: Steven Lemomo Kiruswa

Wizara ya Nishati

Waziri: Deogratius Ndejembi

Naibu Waziri: Salome Makamba

Wizara ya Katiba na Sheria

Waziri: Juma Zuberi

Naibu Waziri: Zainabu Athumani Katimba

Ikulu imethibitisha kuwa mawaziri wote na manaibu wao wanatarajiwa kuapishwa kesho Novemba 18, 2025 katika hafla itakayofanyika jijini Dodoma.