Mwili wa Joshua Loitu Mollel, raia wa Tanzania mwenye umri wa miaka 21 aliyeuawa na Hamas wakati wa mauaji ya Oktoba 7, utawasili leo katika Uwanja wa Ndege wa Kimataifa wa Kilimanjaro, ambapo utapokelewa na familia yake na mamlaka ya serikali.
Mapema jana, Ubalozi wa Tanzania nchini Israel ulifanya ibada ya katika mnara wa kumbukumbu wa Tel Aviv kabla ya kuondoka kwa mwili huo.
Hafla hiyo ilihudhuriwa na Balozi wa Tanzania nchini Israel, Alex Kallua.
Mollel alikuwa akifanya mafunzo ya kilimo kusini mwa Israel wakati watu wenye silaha wakiongozwa na Hamas waliposhambulia mnamo Oktoba 7, 2023.
Aliuawa huko Kibbutz Nahal Oz, na mwili wake baadaye ukachukuliwa na washambuliaji.
Israel imekabidhi miili ya Wapalestina 285 badala ya miili ya mateka 19 wa Israel iliyorejeshwa na Hamas, pamoja na ile ya mateka watatu wa kigeni, mmoja wa Thai, mmoja wa Nepal na mmoja wa Tanzania.
Unaweza kusoma;